Pa basta tempu kaba abitantenan den e area di Chuchubiweg/Reigerweg i Alablancaweg ta pidi ousilio pa motibu di e pista di “ drag race” ku diferente outonan i trùknan pisa ta usa e kaya aki pa kòrta ruta di Snipweg pa Cascoraweg.
E situashon aki tambe ta sumamente peligroso riba Chuchubiweg/Reigerweg mirando ku diariamente tin muchanan di Radulphus College ta trafiká i krusa kaya ora skol kuminsá òf terminá.
Resientemente a laga buta drèmpel riba Cascoraweg mientras por buta esaki nan tambe den é “ bebouwde komnan “ unda habitantenan tin años ta pidi atenshon pa ku e situashon aki pa ku nan seguridat i molèster enorme di Zonido.
Den kuadro di esaki komo representante di pueblo sra Mc William a hasi e siguiente pregunta na Minister enkargá ku tráfiko:
1.Minister ta na altura di e petishon di e habitantenan pa ku e situashon menshoná?
2.Minister ta na altura ku e situashon den e kaya aki ta unu peligroso pa tantu pa abitantenan komo muchanan di skol?
3.Kiko ta motibu ku no ta atendé e problema aki miéntras ku riba un kaminda prinsipal manera Cascoraweg si ta buta verkeers drèmpel pa baha velosidat di outomobilista/truckdriversnan ?
- Kiko ta e prosedura ku un persona (nan) mester hasi pa por pone drèmpel?
- Kuantu un petishon asina ta dura pa por kumpli kun’e?
- Kuantu petishon sa drenta pa pone drèmpel?
