Metemento den caso di ministerio publico no tin base. E acusacionnan di Parlamentario Marisol Tromp , Aguanette Gunn di partiodo MAS y di Miguel Mansur di Accion 21 cu ta partidonan chikito den parlamento cu kier hunga politica pa hala atencion.
Loke ta realidad ta cu den e caso KUKWISA cu Marisol Tromp mes tabata den dje y cu tabata 2 aña sospechoso den e caso y na unda cu e director di DIP tambe tabata sospechoso den e caso, Marisol Tromp tabata keto of e la perde voz?.
Na momento cu e caso a cera como DRH cu ta filtra proceso di tuma personanan pa traha den gobierno y ta conseha gobierno pa tuma e ciudadano na trabou ta corectamente cu departamento di recurso humano debidamente mester haya informacion di ministerio publico na momento cu un ambtenaar a pasa den un investigacion y e caso a cera pa asina DRH conseha gobierno bek riba su posicion di trabou, pa asina wak con lo atende cu e ambtenaar pa su puesto di trabou, Sinembargo pa e parlamentarionan Marisol Tromp MAS y Aguanette Gunn MAS hunto cu Miguel Mansur di Accion 21 esaki no por, segun nan esaki no ta bon y cu segun nan tin metemento politico.
Con por descarta nivel di pensamento di parlamentarionan na momento cu DRH ta esun cu ta haci screening unda cu ciudadanonan ta solicita pa trabou y bira ambtenaarnan, unda tur proceso ta via di DRH, awo cu DRH mester haya informacion pa atende cu proceso legal di un ambtenaar su funcion den departamentonan di gobierno, awo cu su investigacion a caba segun e parlamentarionan esaki no por.
Ki clase di pensamento di inmadurez e tres parlamentarionan aki ta mustra ? Corectamente despues cu e caso di KUKWISA a cera unda cu e parlamentario Marisol Tromp cu a gaña pueblo , gaña tur su votadonan, a sinta representa cada un votado y e pueblo di Aruba den nomber di parlamento di Aruba y tabata 2 aña sospechoso den caso KUKWISA cu e mes un director di DIP aki ta den dje, awe ta mira e propio sospechoso cu tabata pa dos aña largo kibrando tur ley y moralidad politico ta esun cu ta cuestiona. Ra ra ra
Parlamentario Marisol Tromp ta un berguensa politico nacional y internacional cu no merece ni un voto di confiansa di Aruba paso e no ta un politico integro y confiabel.
Corectamente y abase di ley DRH a actua pa asina sa ki decision lo tuma pa cu e ambtenaar despues di cu e caso a cera, of kico ta loke parlamentarionan Marisol Tromp , Aguanette Gunn di partido MAS y di Miguel Mansur di Accion 21 su deseo ta?.
Sinembargo ainda tin appelnan putri den DIP manera eanews ta bin ta bisa caba den diferente articulo. Tin hopi indicacion Ambtenaarnan cu ta perhudica y konkel procesonan legal dicon,pa kico y pa ken realmente? Ta kere ta importante pa DRH y OM cuminsa cu un investigacion riba diferente decisionnan cu hurista den DIP cu tin henter Aruba su economia stanca, dicon realmente?. Acaso a haya placa bou di mesa? Of no ? Ministerio publico por haci algo cu esaki? Ken mester pone keho ?
E intercambio di informacion pa esun cu ta tumabo na trabou tin un bista oficial di kico ta e decision di e investigacion a cana den un proceso completamente legal. Tin un protocol di aña 2006 entre ministerio publico y dos departamento di gobierno di Aruba unda cu a palabra cu tin un protocol preparando pa e cambio di ley.
E di dos base legal ta haya esaki den ley di 2011 cu ta e Landsverordering persoonsregistratie Aruba , combina cu e ley di 1993 tur cos a cana corectamente. E base legal ta di 2011 y 1993 cu ta dos diferente ley y hunto ta e base legal pa cual aparte di e protocol ta intercambia informacion.
E cooperacion aki entre DRH y ministerio publico ta pa combati kiebro di integridad, sinembargo tres parlamentario Marisol Tromp , Aguanette Gunn di partido MAS y di Miguel Mansur di Accion 21 ta bringa alma y cuerpo pa no tin integridad riba nos isla y ta fomenta storia di cu tin metemento politico den ministerio publico, un actuacion baho di parlamentarionan cu pensamento maligno cu no tin Aruba na pecho pero nan sed pa poder ta apoya corupcion enbes di combati corupcion y pensamento di malicia.
Gobierno di gabinete Wever Croes for di un principio ta papia di combati corupcion, kiebro di integridad y esey ta bin ta haci tur es tempo y pa por combati esaki mester tin palabracionnan haci cu tur instancia cu por tin informacion ta importante pa gobierno por garantisa cu no tin corupcion mas den e aparato gubernamental.
Pa por haci esaki Aruba mester ta mas consciente tambe di loke realmente ta pasando y hunto por saca Aruba padilanti y stop cu corupcion y na unda cu cada ciudadano na Aruba ta haya e trato husto y igual y no di un sistema corumpi cu awe por mira cu parlamentario Marisol Tromp , Aguanette Gunn di partido MAS y di Miguel Mansur di Accion 21 ta apoya.
E carta cu parlamentario Marisol Tromp , Aguanette Gunn di partido MAS y di Miguel Mansur di Accion 21 ta zwaai cu ne y ta mal informa cu supuestamente tin metemento den ministerio publico. E carta ta informa cu OM a cera e investigacion riba e persona, sinembargo ta pretende cu lo a mete den un investigacion cu ta cera caba. Con por ta ?
Ta bisto e wega politico, pero na mes momento e parlamentarionan ta indica cu gobierno di Aruba ta mete den ministerio publico , pero si e carta a bay paDRH y gobienro di Aruba con bin parlamentarionan tin e carta aki ? acaso como parlamentarionan , nan si ta mete indirectamente den ministerio publico teniendo famia/ amiga / amigo , kisas amante trahando den e organo ?
