CAFT ta e organo di control financiero cu a wordo introduci na 2015, ora cu Gabinete Mike-Eman a surpasa tur record di deficit y mal maneho di e finansas di nos pais. Nos tur por corda con Mike Eman a haya un KB y cu tur su consecuencianan financiero pa nos pais. CAFT keto bay ta supervisa y monitoria e parti financiero di gobierno di Aruba a saca un rapport dia 28 di April 2023 riba e di cuater uitvoeringsrapportage di 2022. Pasando riba e rapport aki mi por a wak cu CAFT a cubri varios punto importante riba e maneho di gobierno riba cual el a duna su comentario.
CAFT ta elogia gobierno su maneho financiero
Pais Aruba ta cumpli ampliamente dentro di e cuadro di e maximo di “financieringstekort” cual a wordo dicidi pa Rijksministerraad (RMR) cu por a yega 131 miyon florin. E debe di pais Aruba ta awor na 88% di nos GDP! E debe a baha cu 13% compara cu esun di 2021. Esaki a wordo causa dor di e crecimento fuerte di nos BBP.
CAFT ta raporta cu personeelskosten a keda na un nivel apropia na 2022
CAFT ta reporta cu pais Aruba su “personeelskosten” pa 2022 tabata 426 miyon. Cu e suma aki Aruba ta cumpli cabalmente cu e personeelslastennorm di 2022. CAFT ta reporta cu gobierno ta tumando pasonan pa maneha e personeelslasten structuralmente.
CAFT ta raporta cu e post Goederen en Diensten a baha drasticamente
CAFT ta bisa den su rapport cu; “er is een flinke onderbesteding ten opzichte van de BW.” Den otro palabra CAFT den su rapport ta bisa cu Goederen en Diensten a baha drasticamente na 2022 cu 14%! CAFT ta informa den e mesun paragraaf riba pagina 5 di e rapport cu entre 2018-2022 tabata tin un bahada di 8% promedio riba e post Goederen en Diensten! Esaki ta pa pueblo wak y compronde con deceptive AVP, oposicion y algun gremionan a bin ta grita cu gobierno ta insisti pa no baha gasto!
CAFT ta raporta cu ATA a recupera riba nivelnan di 2019
ATA a conoce un surplus fuerte den 2022 pa via di e recuperacion di nos pilar economico di Turismo.
CAFT ta raporta cu lo por bin un aumento di e surplus di 1%
Riba pagina 3 nos por wak con CAFT ta wak e progreso y resilencia di nos economia y e gobierno su disciplina y asina ta premira cu lo por tin mas placa ta drenta caha di gobierno riba e 1% di surplus.
CAFT ta raporta cu gobierno por logra baha e debe te na 70% pa 2027
CAFT su analisis ta mustra cu gobierno lo por logra baha e debe di pais Aruba te cu 70% si e economia keda mesun resiliente y gobierno ta keda mantene su gastonan abao manera el a bin ta haci caba.
Riba e ultimo pagina CAFT ta urgi gobierno pa finalisa e jaarrekening di 2019 bay ariba, pero alaves ta scucha gobierno su retonan pa por cumpli cu esakinan y mesora CAFT ta brinda gobierno e sosten y medionan tambe pa esaki por sucede. Gobierno su plan ta pa tin tur jaarrekening di nos pais cla pa otro aña 2024. Mirando cu semper oposicion a usa rapportnan di CAFT pa ataca gobierno, awor cu CAFT su comentarionan ta positivo y alentador, nan ta muisstil pa via di e trabao serio y disciplina cu gobierno ta bin ta ehecutando. Aruba ta recuperando pa via di un maneho responsabel y surplus tur aña riba nos presupuesto. Un surplus tur aña ta un siguransa cu nos por sigui paga nos debenan structuralmente mientras gobierno por sigui inverti den nos pais.
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
Comunicado Parlamentario Marco Berlis
1 comment
[…] Source link […]