For di algun aña caba mi por a ripara e deterioro di e caretera entre e rotondenan di Tanki Leendert y Tanki Flip. Tabata Diahubes 19 di januari ora nos a trata e ley di presupuesto di DOW, den cual su documentonan mi por a ripara cu finalmente e caminda entre e rotonde di Tanki Leendert pa Tanki Flip lo wordo drecha completamente. Den presupuesto di DOW 2021 mi a boga pa e caretera aki wordo drecha pa via cu e ta den un estado basta deteriora. Naturalmente, aunke mi tabata na altura cu no lo tin presupuesto pa asfalt wordo poni riba caminda pa 2022, ma haci e peticion toch. Pesey ora mi tabata pasando den e documentonan di e presupuesto 2023 y mi a observa cu finalmente e caretera ta bay keda renoba mi a keda sumamente complaci y mi ta sigur e ciudadanonan di e bario y esnan cu ta uza e caminda aki tambe.
Ki tempo exactamente esaki lo sucede den 2023 ainda ta desconoci, sinembargo lo mi follow up pa asina informa pueblo. Un fecha pa cuminsa e trabaonan aki lo sigui manera cu e proceso di destaho publico ta cla y contractnan entre DOW y contratistanan ta firma. Mester remarca sinembargo cu e pida caminda di e rotonde di Tanki Leendert bay nort, esta den direccion di Catiri, e prome 100 meter ey mester di un drecha urgente. E caminda ta tur yen di “patch” y kibra, cu ta bati e autonan duro, ora nan pasa riba e caretera aki. For di akinan, mi ta urgi DOW pa considera pa drecha e pida caminda aki. E caminda aki cu ta yega te na e rotonde di Noord ta un arteria importante di trafico.
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
