Kico ta activismo? Activismo ta na momento cu tin un agenda politico y si mester compara e decision di hof y hoogeraad , e decision den corte di prome instancia y tambe Europeo hof van de rechter van de mens a haci
Segun Parlamentario independiente Ryçond Santos do Nascimento locual cu corte di prome instancia a haci y locual corte Europeo di derecho humano a haci, nan no a reconoce cu mester tin espacio pa cada pais por dicidi pa nan mes abase di nan mes un identidad social y cultural. Pa e motibo aki no por dies impone y cambia cos.
Sinembargo tampoco no ta bisa cu no mester regla algo pa e grupo di LGBT y regla esaki bon, pero no por bin horta locual ta e balor simbolico sagrado di matrimonio y haci comosifuera cu abo como hues ta dicidi riba e balor sagrado di e instituto di matrimonio, e no ta huesnan competencia y e no ta huesnan su poder pa por haci esaki tampoco. Aki ta caminda cu ta violando e derecho di autodeterminacion di pueblo di Aruba, Corsou y St Maarten.
E realidad ta cu a bisa matrimonio di homosexsual no ta un derecho, e realidad ta tambe cu nos no mester trece un desigualdad den sociedad na momento cu ta trata di derechonan. Ta mira esaki na e paketenan den e parti fiscal di belasting, herencia, cuido ect ect na momento cu ta papia di un relacion LGBT e no mester ta un diferencia pa cada ciudadano pa tin tur su derechonan.
Nos mester tin respet y dignidad pa tur hende mes un cos cu nos mester tin pa e grupo di LGBT e grupo di LGBT tambe mester tin pa esunnan cu no ta participa den e gruponan di LGBT, den bida real esaki ta sosode?. Un persona homosexual ta un serhumano nos mester stima nos prohimo ken cu e por ta sin haci un distincion, pero loke ta pasando ta cu ta bruhando tera pa haci comosifuera cu e instituto di matrimonio na manera cu e ta bin pa desaroya tradicionalmente cu e ta inhusto, esaki ta un locura.
Con cu nos kier bire con cu nos kier hacie ta di un manera tradicional so hende ta keda crea. Di un manera tradicional so e curpa di hende ta traha pa traha un otro hende, dus pa traha yiu.
No tin manera moderno pa bay traha yiu den e diseño di e curpa, awo loke ta un realidad e mes un serhumano HENDE ta gusta inventa y tambe ta haci posibel medicamente pa por haci yen di cos. Medicamente hende por cambia di sexo paso e mes un HENDE a inventa esey y asina ta crea y haya full un pensamento cu enbes cu ta bo curpa cu ta esun cu ta dicta bo identidad, ta bira e ora cu ta bo mes ta dicidi unda cu bo mes na mundo ta bay dicidi cu bo ta homber of muhe. Den e mes un rosea e LGBTnan ta haci comosifuera nan ta victima di su mes un naturalesa, esaki ta un locura total.
Loke cu mester ta bon cla cu Aruba mester ta prepara pa e locuranan aki debi cu loke cu a sosode na e momentonan aki no ta dies den e definicion di matrimonio di mes un sexo, paso cambia cultura ta trece hopi cambia y e prome stap tabata e matrimonio di mes un sexo y Mañan e ta bay ta den curiculo di scolnan y asina e lo sigui drenta y putri e comunidad y kibra e dicon y pakico nos ta na mundo unda cu DIOS a traha hende muhe y homber.
E agenda di activismo di LGBT ta pa cambia e cultura, esey ta e berdad, pesey mes e movemento aki di e activismo di LGBT+ cu ta sr Miguel Mansur y manera di hopi hende principalmente di hende studia tin un agenda y nan ta anti locual cu ta tradicional. Esaki ta significa cu e grupo di activista aki ta bay combati tur locual cu ta tradicional cu ta culturanan manera esun di Aruba, Corsou y St Maarten mester wordo transforma den nan pensamento. Tambe e religion mester wordo transforma den nan pensamento y nan lo haci todo por todo pa cambia esaki y e la cuminsa cu puntonan manera matrimonio di mes un sexo y cambia curriculum na scol, pero si duna nan e rienda pa nan haci locual nan kier mañan nan ta persigui esun cu tin un pensamento diferente y esaki ta loke ta pasando caba den fini manera di movecionnan di parlamentario Miguel Mansur.
Ta lamenta cu na momento cu pastoor nan a vocifera cu nan ta bay haci bishita na prome minister y trece nan preocupacion padilanti , parlamentario Miguel Mansur a declara cu e pastoor nan ta personanan nongrata, mester revoca nan permiso y mester deporta nan esaki ta palabranan di parlamentario Miguel Mansur a declara. Tambe a mira cu e la bay persigui presidente di parlamento, griffier di parlamento cu e mes un pensamento si bono haci loke cu nan kier nan ta bin pa bo, esaki ta pone cu e democracia di Aruba ta na peliger paso e movemento aki ta antidemocratico. Hues no ta wordo apunta door di pueblo y no ta pueblo ta vota pa hues, pero hues mester percura pa aplica ley y aplica derecho, loke cu hues a haci ta cambia e cultura y esey ta antidemocratico.
Si mester pone un debati entre Miguel Mansur y e pastoor nan pueblo mes lo ripara cu parlamentario Miguel Mansur su pensamento ta anitdemocratico y esaki ta un peliger pa nos demicracia unda cu kier impone dies paso nan ta pensa cu esey ta y of mester ta asina.