Parlamento di Aruba e organo di mas halto di Aruba tin poder, pero awo den man di RAIZ, parlamentario independiente Gerlien, MAS y Accion 21 ta mal uza nan poder. Esaki por den un estado democratico?
Den forma inespera e Presidente nobo di Parlamento, miembro di e fraccion Raiz Raymond Kamperveen, a cancela un reunion di comision central cu Stichting Sportsubsidie Aruba (SSA). A yama e reunion pa duna parlamento informacion. Pero a cancela e reunion sin duna un motibo.
E fraccionnan RAIZ, MAS, ACCION 21, y parlamentario independiente Gerlien Croes, guia pa pensamentonan di maldad, a scucha y mira prueba, y awo no ta interesa nan mas. Pero bringa pa stoel y poder nan tabata kier, aunke nan ta robes. Den e caso ultimo di reunion di ex minister Endy Croes parlamento a traha simplemente cu e meta pa manda minister Endy Croes cas, sin scucha sin mira e situacion cu cabes friu manera parlamentarionan di nivel lo haci .
Mas ainda Minister Endy Croes ya caba ta minister demisionario debi cu no tin gobierno pa motibo di e bloke aki mes di mala fe. Gobernador a haci un peticion pa e gobierno keda demisionario pa atende cu e asuntonan coriente y asina mes cu mala fe parlamento den un bloke di RAIZ, MAS, ACCION 21, y parlamentario independiente Gerlien Croes ta yama e minister y duna un mocion di desconfiansa den un momento cu ya e mandatario ta demisionario, sin importa si e movecion di e parlamentarionan cu ansha pa poder ta haciendo algo bon constitucionalmente.
Ta un berguensa cu na momento cu e reunion a cuminsa presidente di parlamento a pone un limite di 30 min pa minister Endy Croes duna un splicacion y asina mes parlamentario independiente Gerlien Croes cu su arogancia manera ta sigaria e ta bende riba caminda ta grita den parlamento y cu un frescura ta indica cu ta perdiendo tempo pa scucha minister y cu su tempo a pasa caba y pa e reunion cuminsa, siendo e reunion a cuminsa caba. Pero mas raro ta si no scucha kico tin, ta kico lo ta e preguntanan cu e parlamentario independiente aki Gerlien Croes kier haci?
Parlamentario Gerlien Croes kende ta un berguensa pa Parlamento di Aruba kisas por splica cu si no scucha e minister ki clase di pregunta bo por haci ? Aki ta caminda cu ta mira e mal intencion di e parlamentario aki cu ta lider di FUTURO, di dos cabes (dos lider), cu ta pretende di ta un politico di generacion nobo pero cu cabes bashi. Un escenario den parlamento cu ta un berguensa nacional.
Na momento cu e parlamentario independiente Gerlien Croes a lanta para, el a papia un disparate cu e reunion no a cuminsa y e 30 min di e mandatario pa splica pa su mes un persona haya informacion, haci pregunta y debati cu un poco sentido, ta resulta cu e parlamentario aki cu su frescura no kier scucha kico a pasa den SSA. Si no tin informacion, ta cu cabes bashi kier haci pregunta, un nivel di parlamentario hopi abou cu Aruba no merece.
Corectamente presidente di parlamento Raymond Kamperveen a coregi e parlamentario cu ta papia cosnan sin sentido. Banda di esaki parlamentario independiente Gerlien Croes ta un parlamentario cu durante cu e ta den parlamento a traha ni un concepto di ley pa Aruba, pero ta cana den parlamento solamente pa busca buraconan pa perhudica politiconan. Un berguensa.