Parlamentario Hendrik Tevreden ta elabora riba e presupuesto di Aruba cu a keda aproba. Na opinion di
Tevreden un reunion cu a tuma un rumbo negativo y tin di evalua cu si ta esaki nos kier cu e organo aki.
Un total di 43 mocion a keda presenta pero un di nan a wordo baha di mesa. For di esakinan un total di
28 a keda aproba. Los di e mocionnan tambe a ser presenta dos amienda – di presupuesto alternativa,
uno di AVP y uno di Accion, MAS y AVP. Ningun di dos no a wordo aproba, y den un otro relato mi lo
splica dikon nan no a wordo aproba.
Mi kier cuminsa cu un di e 28 mocionnan cu a wordo presenta. Esun di Serlimar cual dictum ta bisa “ Ta
urgi gobierno di Aruba pa instrui Serlimar pa dentro di un cuadro financiero responsabel optimalisa
posibilidadnan y formanan di pago pa clientenan, clientenan cu pagonan atrasa, y busca posibilidadnan
pa eleva cumplimento cu servicionan na clientenan”. Un mocion riba su mes simpel, presenta pa RAIZ,
cu tin e bienestar di e cliente pero tambe Serlimar como intencion.
Hopi persona a ricibi e cobransa di Serlimar na cas unda cu algun di nan tabata robes, y algun di nan a
keda drecha pa e compania. Esaki a trece un poco intrankilidad, vooral serca e clientenan di edad
avansa, como cu nan no por a haya contacto mes liher cu nan tawata kier cu e compania. Y a aserca pa
pidi atencion ariba esaki. Serlimar na su turno a corehi esakinan pa asina comproba cu nan ta serio cu
nan servicio na su clientenan. Sinembargo Parlamento a haya cu ta na su lugar pa e puntonan aki haya
atencion y tambe e compania en general.
E deseo di fraccion di MEP y tur fraccion cu a vota pro e mocion aki, ya netamente pa Serlimar reforma
nan sistema, nan maneho y nan administracion financiero, pero tambe na nan servicionan. Unabes cu
Serlimar continua na eleva su servicionan nan lo sigui lidera pa loke ta trata recohemento di sushi na
pais Aruba. Sinembargo ta importante pa notifica cu fraccion AVP den su totalidad a vota contra pa e
mocion di aki di Serlimar. Apesar di tur loke nan fingi cu nan kier mira adelanto y ta brinda conseho pa
cu Serlimar, nan accionnan a mustra full diferente.
Parlamentario Hendrik Tevreden ta lamenta e mentalidad cu fraccion di AVP ta bin ta mustrando, unda
cu nan ta bai den prensa splica cu nan como fraccion di AVP tin alternativa cu nan ta traha na fabor di
pais Aruba. Pero ora di para tras di un mocion simpel manera esaki cu lo mester tawata un empuhe pa
Serlimar por fortifica nan mes aun mas, nan ta vota contra. Indicando cu nan ta contra di e mehoracion
di optimalisacion di Serlimar.
Ta di lamenta cu fraccion di AVP ta keda manipula ora nan ta den prensa, pero den Parlamento ta vota
contra y ta purba di stroba e crecemento y direccion nobo cu un compania manera Serlimar tin di bai.
Ta importante pa pueblo ta mas conciente y pendiente cu na momento cu ta scucha e miembronan di
Partido AVP ta trece mensahenan padilanti, pa mira e medaya tur banda. Nan manipulacion ta grandi y
nan accionnan ta contrario di loke nan ta presenta na pueblo.