Parlamentario di Corsou Gwendell Mercelina Jr. ta kere cu mester pone hopi mas enfasis riba e topico di agricultura. Na Corsou a crea un fondo cu yama agrifondo pa e personanan cu ta desea di profundisa hopi mas den e mundo di agricultura, pero tambe crea e facilidad.
Segun Parlamentario Gwendell Mercelina Jr na momento cu mester tuma nota di e mundo di agricultura na Corsou tambe a bini ta muri, pesey mes ta importante cu e proyectonan cu tabatin den pasado manera cunukito unda cu den curanan di scol tabata crea greenhouse , pero tambe na cas nan y den diferente centro di barionan tabata existi, mester bini bek. Pesey mes ta kere cu e conscientisacion den e cuadro aki mester keda faumenta sino no lo percura pa crea un comunidad resiliente.
Nos mester ta realistico cu nos mes si nos ta kere cu ta solamente riba tablet, computer of telefon y sin tin e conexion cu mama tera ta e caminda cu nos mester sigui cana. Nos mester tin claridad den cuadro di conscientisacion con nos mester cuida nos medio ambiente y e mama tera cu nos tur ta forma parti di dje.
Parlamentario Gwendell Mercelina Jr ta contento si cu na Corsou te ainda tin un generacion hoben y nobo cu ta hopi interesa den agricultura. Sinembargo un punto cu ta hopi importante ta cu agricultura ta integra den e cultura di e pais, pesey mes mester percura pa keda haci e parti aki interesante suficiente pa hiba comunicacion cu comunidad pero na mes momento mester hacie atractivo tambe.
Ta di lamenta cu e pensamento cu agricultura ta solamente ta di chapi y pone den cura, pero esaki no ta e caso debi cu tin Hydroponics unda cu ta formanan y metodonan nobo cu por planta y crea fruta y berdura.
Parlamentario Gwendell Mercelina Jr ta kere muchanan di Corsou y islanan di Caribe por hopi mas. E realidad ta cu tur e paisnan den Caribe ta paisnan cu ta importa cuminda, pero si nos mes por crea e posibilidad di planta y crea na nos propio pais e ta un direccion hopi importante pa nos den Caribe.
Nos mester cuminsa proteha e palonan di fruta cu antes nos tabatin manera mango, kenepa, shimarucu, sorsaca, granatapel y tamarijn cu ta frutanan cu nos ta coy for di den palo come. Sinembargo e hobennan di awendia no a conoce e parti bunita aki di nan propio pais. Pesey mes Parlamentario Gwendell Mercelina Jr ta kere firmemente cu na momento ta papia di agricultura ta nos deber di hinke den nos cultura.