Diaranson ultimo Fundacion ADRA Aruba a duna clausura na e di 7 grupo di e proyecto pa mayornan hoben bou di e titulo ‘From Teenage Parents to Life coaches’.
E edicion aki tawata un trayecto cu a dura 4 luna. E grupo meta ta mamanan hoben cu a sali na estado, cu no ta bay scol un otro oportunidad den bida. Durante e trayecto e mayornan hoben a ricibi hermentnan cu lo yuda nan regresa den nan bida estudiantil, den e mundo laboral of habri nan propio negoshi.
Durante e duracion di e proyecto, e mamanan hoben tawata ricibi lesnan practico cu tin di haber cu siña cushina, cosemento, obra di man, beyesa, manicure y pedicure. E lesnan teoretico tawata consisti di etiquette y protocol, relacion entre mama y yiu, administracion basico y salud en general. E lesnan aki a tuma lugar mayoria biaha na Centro Hoben y Famia.
Durante cada les cada participante a ricibi conocemento cu lo yuda nan den nan propio desaroyo, habilidadnan cu nan lo por pone den practica den nan bida diario. Parlamentarionan di Fraccion di MEP, Darlaine Guedez-Erasmus y Parlamentario Ricky Hoek tabata presente durante e ceremonia di certificacion, caminda e mayornan hoben mes a conta di nan experiencia positivo cu e proyecto aki y ta bisa cu mester sigui cu tipo di proyecto y pa duna mas oportunidad na nan. En total 5 participante a ricibi nan certificado den e diferente areanan imparti.
Parlamentario Guedez-Erasmus ta remarca cu ta importante cu hobennan cu ta interesa por registra cerca ADRA Aruba pa e inicio di e 8 grupo di mayornan hoben ‘From Teenage Parents to Life Coaches’.
Tanto Parlamentario Guedez-Erasmus como Parlamentario Hoek a keda masha contento di por tabata presente durante e ceremonia bunita aki y mira con e grupo aki di mayornan hoben ta hayando un oportunidad nobo den nan bida.
