E Komishon di Salú di parlatino ta reuní e siman aki dia 7 i 8 di mart , riba algun tema di relevansia ku ta di interes pa Kòrsou tambe.
Lider polítiko di partido MAN-PIN, Giselle Mc William komo miembro di parlamento pa Frakshon di MAN lo asistí den e kuadro aki na e reunionnan di e komishon ku ta tuma lugá na Panama. No lo asistí na reunionnan ku tin tópikonan riba agènda ku tin un balor agregá pa situashon lokal na Kòrsou. A base di desaroyonan den region por hiba diskushon i trese ideanan ku ta aplikabel na Kòrsou tambe.
Kòrsou tambe ta konfrontá bastante reto den sektor di kuido médiko. Gastunan haltu di kuido médiko ta un di e puntonan mas importante ku mester buska solushon pe. Den e reportahe finansiero di e último kuartal di 2023 “uitvoeringsrapportage” gobièrnu ta señalá ku ta urgente pa haña mihó kontròl riba e gastunan médiko inkluso gastunan gastunan di maneho di Curaçao Medical Center (CMC) ku ta hopi mas haltu kompará ku ántes St. Elisabeth Hospitaal.
Pero tambe e falta di maneho integral di nos adultonan mayó i embehesimentu. Ta den e kuadro aki ku Mc William lo asistí na e reunion di parlatino pa asina den deliberashon i diskushon ku parlamentarionan den region atkerí konosementu i ideanan kon por yega na solushon pa e sektor di kuido médiko na Kòrsou.
Tópikonan importante ku tin riba agènda ta rekomendashonnan pa mehorá resepshon legal di tur forma di froude den e kadena di produkshon, distribushon i suministro di remedi i uso di inteligensia artifisial i maneho di dato den sistemanan di Salubridat pa mas efisiensia.
Mas di e tópikonan di diskushon ta kalidat di salú i strategianan sanitario pa logra desaroyo sostenibel, stimulá desaroyo di maneho pa mengua e efektonan di embehesimentu riba komunidat, malesanan infeksioso ku por pasa di bestia pa hende i kuido propio i salú mental.