Parlamentario Endy Croes a splika cu e ta siguiendo desaroyo den area di turismo basta di aserca. Berdad desde cu a habri frontera expertonan a pinta diferente scenario. Esaki ta trata di entreotro scenarionan conservativo y scenario optimismo y asina a calcula con Aruba poko poko pero sigur lo desaroya su turismo cual almismo momento ta trese actividadnan den nos economia cual a wordo afecta demaciado duro desde e cierre total. Lastimamente un di dos wave di corona a dal Aruba net na inicio di Augustus ni 3 siman despues di habri frontera pa merca y esaki a hiba nos mesora bek mas leew di e realidad.
Aruba a percura pa un protocol briyante:
Aruba ta wordo considera como e trent setter di mundo na e manera cu Aruba a hinka e protocol den otro pa activa turismo pa nan por cuminsa yega bek Aruba na un manera safe. Entreotro na airport mes por hasi e PCR test ora jega. A introduci “Aruba Health App” unda esnan cu a hasi e test caba por opload esaki akiriba. A introduci un seguro obligatorio pa tur bishitantenan y esnan cu sali positivo e seguro aki ta cover hasta un lugar diferente cu nan lo mester keda sea den quarentena of isolacion. Recientemente Aruba a partner cu World Economic Forum y Commons Project pa hasi uso di e CommonPass. CommonPass ta un projecto piloto di un plataforma global unda esnan cu ta biaha por ilustra na un manera digital(via bo cel, labtop etc) cu bo a hasi un PCR test of a ricibi Bo vacuna y esaki mester ta uno valido. Nan ta jama esaki tambe un “Digital Passport”. E pais cu Bo ta drentando mester por confia cu e Digital Passport aki ta uno confiabel y valido. Esaki lo mester juda e “Global Travel” jega bek e nivel promer cu e pandemia. Pues Aruba ta trent setter y frontrunner den esaki tambe y ta riba e bon caminda.
December Aruba a ricibi 45 mil turista:
Prognosticonan optimista tabata 65 mil turista den luna di December y prognostico riba un scenario conservativo tabata 45 mil turista. Aruba a cumpli cu e scenario conservativo y ta riba e bon rumbo. Ultimo siman di December desde 25 pa 31 di December Aruba a ricibi total 163 vuelo raparti den esnan mas frequente di USA y Europa cual ta 34 buelo di American Airlines, 33 buelo di Jetblue, 23 buelo di United Airlines, 13 buelo di Delta y 11 KLM. Un total di 12602 turista den un siman. Esaki a contruibi na e siman di mas druk cu Airport a conose desde apertura di nos frontera y ta indicasion cu turistanan gusta y stima Aruba y losigui biaha aunke tin mas dificultad awor cu protocolnan etc. Alaves restaurantnan, y demas negoshinan alrededor di turismo a cuminsa hala rosea y tipsnan ta coriendo bek cual sigur ta juda nos comunidad y economia. Parlamentario Endy Croes ta hasi un suplika pa nos cuidadanonan mantene nos mes na protocolnan mediante nos comportacion y disciplina pa nos gana e bataya aki.
