ORANJESTAD,Aruba
101 compania a mustra interes di cual 29 pa un Refineria y 25 pa un otro desaroyo. Parlamentario Endy Croes ta splika cu diabierna ultimo e mesun dia cu tabata tratando den un reunion publico e asunto di Marisol Lopez Tromp den oranan di atardi den presencia di Notaris Chamila Tromp hunto cu un Compliance Officer y Managing Director di RDA Sr Rennie Arends a habri e Dropboxnan digital pa cu e Destaho Publico cual desde 18 di Mei a bay na vigor. Pa promer biaha a hasi un destaho publico completamente digital unda cada interesado a haña su propio Dropbox unda e por a sumistra tur documentonan cu a wordo pidi mientras solamente e interesado y e Notaris tabata tin acceso na e Dropbox y asina cumpli cu un destaho completamente transparente.
/// Request for Expression of Interest I&II ( REOI 1 y REOI 2):
Desde 18 di Mei gobierno a inicia un proceso pa un destaho publico conosi como Request of Expression of Interest y a cana un caminda paralelo pa dos desaroyo. E destaho ta basa riba reglanan di transparencia di entre otro Word Trade Organisation. Condicionnan mas importante pa ambos destaho ta cu e projecto mester genera hopi cupo di empleo, mester contruibi grandemente na e desaroyo economico di pais Aruba, mester cumpli cu standardnan ambiental internacional y mester significa entrada pa caha di gobierno. REOI 1 ta ensera un destaho publico pa un Refeneria of algo similar manera por ehempel un industria Petro Chemico y REIO 2 ta un otro industria completamente diferente riba e tereno di Refineria cu ta cumpli cu e condicionan mas ariba menciona.
/// 101 Compania a musta interes mientras 54 a cumpli cu tur detayes:
Un total di 101 Compania a expresa interes. Pa REIO 1 cu ta pa un Refeniria 57 interesado total di cual 38 a cumpli cu e parti di Due Diligence pero finalmente 29 a cumpli cu tur cos esta a manda nan proposal manera a wordo pidi esta e “Respondent Form”. Pa cu e REIO 2 esta pa un Industria diferente un total di 44 compania a expresa nan interes di cual 34 a cumpli cu e Due Diligence mientras 25 a manda nan proposal cumpliendo asina cu tur condicion. Pues finalmente 29 interesado pa Refineria y 25 interesado pa un otro industria pa un total di 54 compania. Aruba mester ta hopi contento y orguyoso cu den un Crisis Mundial di un Covid 19 tin 101 inversionista cu a mustra interes pa inverti cientos di miyones mientras 54 compania total a cumpli cu tur detayes. Esaki ta muestra di confiansa cu inversionistanan tin den Aruba.
/// Advissory Committee lo traha un shortlist:
Un Advisory Committee consistiendo di expertonan den diferente area entre otro den Refineria, economia, Legal, financiero, medio ambiente pa nombra algun lo bay scrutina tur e proposalsnan pa finalmente presenta na Promer Minister di Aruba bou di kende e projectonan aki ta resorta un Short List pa asina por continua pa e siguiente fase. Aruba por termina na haña un Refineria State of the Art completamente moderno of un otro industria y ken sa kisas cu dos projecto esta un Refineria y un otro industria na un otro sitio riba Aruba. Ambos lo genera hopi cupo di trabou y sigur lo representa un X % di GDP y lo percura pa pilarnan nobo significante pa nos Pais Aruba banda di turismo. Gobierno bou guia di nos Minister Presidente mester espacio y tempo pa termina cu lokual nan a inicia y esaki sigur lo bay ta un contribucion cuantioso pa economia y stabilidad di nos Pais. Poko poko pero sigur nos lo lanta cabez
