ORANJESTAD,Aruba
Parlamentario Endy Croes ta splika cu ta sumamente necesario pa Parlamento duna Gobierno e apoderacion “machtiging” mediante un Ley LV houdende machtiging van de ministers, MinPres, Minfec y MinInfra pa nan tres hunto firma e Termination Agreement cu Citgo pa asina Aruba por haña e jabi den su man pa por continua.
AVP a firma y aproba LV AB 2016 no 50 cu a exhonera Valero di tur resposabiliodad na 2016:
Parlamentario Endy Croes a sigui splika cu den e famoso contracto di 2000 pagina firma pa AVP na Juni 2016 nan a juda Valero pa sali liber di tur daño y contaminacion di mediuo ambiente. Tambe den e contracto a responsabilisa Citgo pa dañonan ocasiona na medio ambiente solamente desde e tempo cu Citgo a tuma over desde October 2016 enadelante. Tambe a stipula cu lo hasi un baseline study ( nulmenting) na e momentonan ey pa por sa con Citgo a haña e tereno pa por responsabilisa nan mes desde eynan. Esaki nunka a tuma lugar y gobierno actual a paga un compania externo pa realisa esaki.
Ley Landsverordering AB 2016 no 50 di 29 di September 2016:
Den e landsverordering “ Landsverordering machtiging van de betrokken ministers tot verrichten namens het land van een aantal privaatrechtelijke rechtshandelingen ter behoeve heropening van de olieraffinaderij” fecha 29 di September 2016 na artikel 5 y 6 a exhonera Valero completamente di tur claim y dañonan hasi na tereno y medio ambiente y a duna Citgo free ride desde October 2016 enadelante. Art 5 ta stipula, “ De gezamelijke ministers van Aruba ( pues di AVP) worden gemachtigd om namens het Land met Valero Refining Company NV, Valero Aruba Holding Company NV, Valero Maintenance/Operations Company NV en Valero Coker Corporation Aruba NV een vasstellingovereenkomst aan te gaan ter beeindiging van bestaande en ter voorkoming van potentiele toekomstige geschillen ter zake van het gebruik krachtens welke titel dan ook ( onderandere) van de percelen.”
Ningun momento ta regala Citgo 340 miyon florin:
Por a tuma nota cu oponentenan den crisis kier continua cu politica cu no ta sirbi pais Aruba na e momentonan aki. Ningun pero ningun momento ta regala Citgo 340 miyon florin manera oponentenan ta insinua. 150 miyon us Dollar den e contract ta un documento firma como garantia y e unico momento cu esaki lo bin na vigor ta momento e contacto caba of wordo kibra. Gobierno tin 12 luna pa dicidi si ta bay desmantela e refineria y e momento ey si dicidi cu si ta bay desmantela Citgo ta responsabel pa esey y akinan e garantia aki ta hunga un rol. Ni si bringa Citgo 5 aña den arbitrahe y gobierno gana e caso ey mes no kiermeen cu gobierno lo ricibi e plaka ey sino lo gana e derecho pa exigi Citgo pa desmantela den un of otro disputa.
E caminda cu gobierno ta canando ta esun mas logico y corecto pa exonera e esaki.
Crude ta na $20 us dollar y tin scarsedad di storage capacity rond mundo
Parlamentario Endy Croes ta sigui splika cu mientrastanto den e crisis mundial aki prijs di crude a conose su prijs di mas abou di $ 20 dollar pa bari. Mundialmente tin scarsedad na storage. Aruba tin masha hopi tanki bashi. Pues si logra kibra e contracto cu Citgo pronto por haña un operador pa e Terminal cu lo crea cupo di trabou, genera plaka pa caha di gobierno cu ta un nesecidad awor y traha riba un di dos pilar economico banda di Turismo y trata na sali fuerte for di e crisis y resecion aki. Awor ta e momento y Parlamento lo sa di carga su responsabilidad. Klaro ta extende un man na oposicion pa “cease” politica un rato y bin para banda di pueblo. Tin 25 mil mama y tata di famia cu mester un ajudo y of trabou. No laga e oportunidad aki mester pasa y para pa bienestar general y para banda di pueblo.
