ORANJESTAD, Aruba
Ministerio Publico ta wordo dirigi for di Hulanda y pueblo a perde un grado di confiansa den dije
Parlamentario Endy Croes ta amplia riba ultimo reacionnan di pueblo alrespecto funcionamento di Ministerio Publico na Aruba. Tur dia por sigui opinion di pueblo atravez di media y mas aun pueblo ta reclamando Gobierno y Parlamento hopi fuerte cada vez cu topa nos cuidadanonan entreotro den supermercado. Ni cuanto nos prurba splikanan pa keda calmo y cu Ministerio Publico ta independiente y ta trahando pueblo a manera cumunsa fada. Esaki ta manda un señal alrespecto e grado di aceptacion den combinacion cu e persepcion di pueblo pa cu trabounan cu Ministerio Publico a bin ta hasiendo. Di acuerdo cu Parlamentario Endy Croes nos trabou ta keda pa calma pueblo, splika pueblo e proceso pa asina e confiansa no bay perdi totalmente di cual aparentente ta mustra di ta bayendo den e direcion ey.
/// 14 RST recherche a yega Aruba desde 1 di Juni pa juda:
Pueblo ta hopi agita cu casonan di corupcion grandi y miyonario manera di Benny Sevinger X minister di AVP conosi como caso Avestruz . Otro caso grandi cu mester a bay hoogberoep cu ta pega manera un “pega pega” ainda na Ministerio Publico ta e caso IBIS di un otro X minister di AVP esta Paul Croes cual tambe ta tumando demaciado tempo. Ta trata di e caso di mas di 2000 ontheffing a cambio di pago na e x minister y su clan. Alaves tin keho official contra Mike Eman den e caso “wasmachine” unda tin pruebanan palpable cu Mike Eman a ricibi transferencinan bancario di sumanan di 50 mil dollar cada transferencia for di cuenta di Roberto Rincon. Pues plaka preto pa cumpra votos. Tur e casonan aki di acuerdo cu pueblo ta tranca door di un Ministerio Publico cu su agenda ta wordo dirigi pa Hulanda. Hoog Politiek Den Haag! Segun fuente 14 miembro di RST a jega Aruba 1 di Juni ultimo kendenan a bay 14 dia den cuarentena y desde 15 di Juni a cuminsa traha pero aparentemente enfocando solamente riba un caso.
/// Hulanda ta dirigi Ministerio Publico atraves di grito di Bosman:
Pueblo ta contento cu jegada di entre otro alrededor di 14 recherche di RST pero tur cos ta mustra cu RST a bin pa un agenda cu Hulanda a impone riba Ministerio Publico na Aruba. Esaki ta hopi peligroso e presunto metemento di Hulanda den Ministerio Publico pero alaves mas peligroso ta cu aparentemente e Waarnemend PG ta duna sea espacio of cooperacion pa Hulanda hasi esaki. Ministerio Publico mester funciona independiente. Desde cu Parlamentario Bosman dia 20 di mei a grita den Tweede Kamer cu pa Aruba ta solamente e nomber di Serlimar e mester menciona por a tuma nota di desaroyonan structural riba un solo caso. Esaki ta e caso Flamingo. Nos ta contento cu ta atende tur posibel caso di corupcion pero e “meetlat” di Ministerio Publico no ta duna un bon señal di ta straight, husto y independiente. Esaki hustamente pueblo ta cuestionando. Paul Croes su caso ta andando desde Augustus 2015 y di Benny Sevinger desde Februari 2018. Pueblo a score Ministerio Publico cu un dikke onvoldoende. Apenas a entrega keho riba caso Flamingo na October 2019 esey so tin tur atencion di mundo di Ministerio Publico den combinacion cu ordo di Hulanda.
Parlamentario Croes ta termina bisando cu e mes a keda babuca di tur lokual el a tende for di boca di pueblo pero almismo momento a splika pueblo pa nan no perde confiansa total den Ministerio Publico pero talvez brinda poko mas comprension na e tantisimo trabounan y cu sigur casonan manera Aveztruz (Benny), IBIS (Paul) y Wasmachine ( Mike Eman) tur di AVP lo wordo atendi.
