Parlamentario Endy Croes ta splika cu e anucio di Minister President dialuna ultimo ta trese un grado di speransa y trankilidad den pueblo. E combinacion di Quanten LLC y Eagle LNG ta mustra di ta e combinacion perfecto y lokual Aruba tin mester pa yuda saca Aruba di e efectonan negativo causa door di Mike Eman ( Mega Debe) y Covid 19.
Quanten cu un posibel inversion di 3.5 Biyon UD Dollar:
Siman entrante lo bira un siman hopi interesante comokiera cu representantenan oficial di Quanten LLC lo ta na Aruba pa asina firma un LOI ( Letter Of Intent) cu RDA pa habri negosacionnan pa yega na un posibel contract. Hunto cu e compania aki Consul di USA lo hasi su acto di presencia pa asina por reconfirma cu e companianan aki ta cay bou di “advocacy” di gobierno Americano. Esaki kiermeen cu nan tin e plaka cu nan ta bisa cu nan tin y gobierno Americano a screen e companianan Americano nan aki y ta para tras di nan. Esaki lo trese Aruba un poko mas serca di algo hopi mas real cu tabata tin den pasado. Tambe por a compronde cu e companianan aki a bishita e Refineria den luna di October cu nan interes aun ta mas grandi ainda. Cu guia di nos Señor e team negociador por yega na un contracto final den e promer 3 lunanan di 2021.
Eagle LNG: Inversion di 185 miyon dollar lo logra baha prijs di awa y coriente:
Otro compania cu a wordo recomenda pa e Advisory Committee na gobierno como ganador den e Public Tender ta e compania Eagle LNG. Esaki sinembargo mester di un negosacion ainda mei mei di esaki entre Eagle LNG y WEB. Awor cu e Public Tender di (RDA) Gobierno a yega su final unda e ganadornan a wordo presenta na gobierno lo mester continua cu e siguiente fase. Gobierno a duna e direcion na WEB cu lo mester bay over riba gas pa asina den un tempo basta rapido por logra concretisa esaki pa asina pueblo por sinti tambe na final e reducion den nan cartera di prijs di awa y coriente. E inversion miyonario recien di WEB den e motornan Wartsila ta motornan cu ta traha pa core riba gas tambe y pa cu e switching di diesel pa gas ta algo cu lo por tuma lugar den menos cu un siman. Asina facil esaki lo ta incorpora den otro di acuerdo cu informacionnan ricibi. Pues ta na WEB awor pa inicia negosacion cu Eagle LNG pa pronto por concretisa un contracto. Esaki banda di Refineria lo bay ta un extra inversion di 185 miyon us dollar generando hopi cupo di trabou. Ta pidi pueblo finalmente pasenshi y duna gobierno e espacio pa pasa door di tur e negosacionnan aki pa pronto nos por tin e resultado final den forma di contractonan firma.
