ORANJESTAD, Aruba
Durante fin di siman Parlamentario Endy Croes a splika cu a bolbe ricibi masha hopi critica di pueblo alrespecto e funcionamento di Ministerio Publico. Tanto na radio emisora pero tambe den lugarnan publico manera supermercado. Aunke ta limita salida pa cumpli cu e protocol pero den e tiki tempo cu Bo hera skip pa un supermercado Bo ta ricibi e preguntanan aki publicamente reflehando e frustracion di pueblo pa cu e operacion di Ministerio Publico. Parlamentario Endy Croes ta splika tambe cu Bo promer tarea como Parlamentario ta pa trese e trankilidad den pueblo. Despues di tende e criticanan y e desconfiansa di pueblo den Ministerio Publico mesora nos ta bay over na splika pueblo den detayes e proceso cu no ta uno facil pa asina combense pueblo pa mantene un grado di confiansa den nos Ministerio Publico cu ta ehersiendo nan trabou.
/// Paul Croes caso IBIS y Benny Sevinger caso Avestruz:
Pueblo ta reklama cu ta imposibel cu Paul Croes x minister di AVP kende su caso a inicia desde augustus 2015 y tin un sentencia di 4 aña di prison riba su cabez ainda su caso den Hoger Beroep unda (3) hues lo bay revisa su caso no a bin dilanti. Apesar cu Paul lo a cambia abogado y a gana mas tempo no tin un motibo valido segun pueblo pa e caso aki no a wordo trata ainda. Sentencia den Hoger Beroep di acuerdo cu expertonan cu conose ful e caso di corupcion aki no lo bay cambia. Ta trata di mas di 2000 ontheffing na permiso pa hende drenta traha na Aruba a cambio di pagonan extravagante. Otro caso di corupcion cual lo bay den historia di esun di mas grandi ta esun di Benny Sevinger x minister di AVP conosi como caso Avestruz. Benny tin 5 encargo como sospechoso unda ta papia di suma di mas di 25 miyon florin na benta di tereno. Un caso hopi grandi cu desde februari 2018 Ministerio Publico ta investigando. Dia 1 di October 2019 a drenta cas di Benny pero despues segun pueblo Ministerio Publico lo a baha cu recess. Tur cos ta mustra cu un dia pa otro Ministerio Publico lo hasi un bishita serca Benny atrobe den e fase final pa rond af e caso. Pues cu poko mas pasenshi pueblo lo por tin e trankilidad cu tur cu a faya lo mester paga pa lokual nan a hasi. Un caso porcierto hopi grandi unda doño di canal 90 Leoncita tambe tin un rol grandi y cuentanan pa duna den futuro hopi cercano.
/// Mike Eman a ricibi 50 mil dollar esta plaka preto for di Roberto Rincon:
Otro caso ta e caso Wasmachine. Parlamento a ricibi prueba di transeferencia(nan) bancario cu a compromete y comproba cu Mike Eman tabata ricibi sumanan grandi pa cu elecion 2013. Cada transferecia tabata di 50 mil us dollar y tabata sali di Roberto Rincon di Maracaibo-Panama pa cuenta di Mike Eman. Esaki awor cu a ricibi e pruebanan durante aña 2020 a entrega keho oficial contra Mike Eman. Esaki ta prueba di e campaña luhoso cu AVP a core na 2013. Un lighting parade cu 13 banda musical pornada pa pueblo fiesta cumprando nan voto na un manera silencioso cu plaka preto. Roberto Rincon a cay sera na merca pa soborno di mas di mil miyon dollar di PDVSA. Pues Ministerio Publico lo mester duna un update pronto di e caso aki tambe. Segun fuente cu un of mas banco local no lo a cumpli cu e ley di MOT. Pues no a meld e transacion. MOT na su turno mester a meld esaki na Ministerio Publico cual tampoko a tuma lugar. Fuentenan ta insisti cu ta awor apenas den 2020 despues cu a cuminsa denucia e actonan fraudolento aki publicamente, meldingnan a cuminsa drenta. Esaki investigacion lo mester determina tur e berdad. Tur cu e sconde of tapa pa Mike Eman di un forma of otro lo mester para responsabel pa nan actonan. Lo keda pendiente pa un update di Ministerio Publico pa mantene e confiansa di pueblo den dicho aparato pero pa trese alaves e berdad luz di dia unda husticia mester prevalese den e pais aki.
