Subi nos website www.mep.aw pa lesa nos programa extenso pa gobernacion 2021-2025
Parlamentario Endy Croes a splica cu partido MEP ta e promer partido cu a lansa nan Programa di Gobernacion 2021-2025. E programa di MEP ta hopi amplio y ta consisti di 12 tema pa un total di 120 pagina. Como e promer partido cu a lansa su programa ta muestra cu MEP ta un partido serio kla pa carga resonsabilidad di nos pais den temponan hopi dificil.
/// MEP no a sinta critica pero a lora manga y traha:
Partido MEP no a sinta critica of sinta jora den temponan dificil. MEP a lora manga di camisa y a traha cu curason pa henter nos comunidad. Pesey manera cu gobierno a bira demisionario MEP a instala su equipo di campaña y a start su motornan “heavy duty” pa hasi e trabou. Asina a cuminsa prepara mesora entreotro a forma diferente comision pa traha riba e programa nobo pa gobernacion 2021-2025. Parlamentario Endy Croes a splica cu e mes a forma parti di 4 comision. Parlamentario Croes a presidi e comision di Deporte y a traha den comisionnan di Economia, Energia y Infrastructura pa trese plannan concreto y realisabel. Asina tur minister, parlamentario, candidatonan y expertonan a traha hunto pa presenta un plan sostenibel.
/// Infrastructura lo haña su atencion pa mehoracion:
Den cuadro di recuperacion di nos economia pa crea cupo di trabou e parti infrastructura ta hunga un rol importante. E combinacion DIP/DOW por ehempel ta essencial pa cu proyectonan. Por a tuma nota di lista di espera y tardansanan enorme tanto na DIP y DOW den cuadro di tereno y bouwvergunning. Esakinan ta stagna inversionnan cu lo crea cupo di trabou. Pesey MEP a dedica un secion amplio na e tema aki pa por logra agilisa procesonan pa stimula e partinan aki y asina duna balor na inversionistanan y proyectonan pa nan por ricibi nan permisonan manera bouwvergunning (DOW), aanlegvergunning(DIP), tereno(nan) corespondiente den un tempo husto. MEP lo percura pa elimina BUROCRACIA ( Red Tapes). Mesun cos ta conta pa cuidadanonan cu tin hopi aña enespera pa un huurgrond, of un cambio di destinacion por ehempel di huurgrond pa erfpacht of comercial. Esakinan no por dura mas cu 3 luna y cuidadano y of inversionista mester ricibi un contesta y/of e ayudo nesesario. Lo percura pa automatisa procesonan den departamentonan di infrastructura manera DLV, DIP, DNM, DOW y DTI pa logra e eficiencia. No lo descarta reforme di cierto departamentonan pa logra e obhetivo y no stroba proceso. Lo percura pa mas transparencia y coherencia den procesonan y finalmente un mihor servicio na cada cliente esta e cuidadano. Parlamentario Croes ta termina bisando cu cada dia lo splika poco mas di e topiconan y temanan di comisionnan cu e mes a forma parti di dije. Cu Bo Aruba ta Avansa. Portanan habri Solucion Concreto!