Parlamentario Endy Croes por a tuma nota cu e elecion na caminda a trese un cantidad di problema den AVP. Por a tuma nota cu basta palabra malo a cay na cas di partido. Segun fuente basta palabra pisa a cay contra otro. Dowers cu Candelaria den un guerra formal. Cu rason no ta mirando nan na trabou esta na Parlamento unda nan mester ta trahando. Parlamentario Croes a menciona cu ambos candidato di AVP ta hopi sinberguensa y awor ta peita pa number paso nan sa cu AVP ta mal para y hopi lo keda pafor di Parlamento. Pues tanto Dowers y Candelaria awor ta oportunista tambe banda di ta sinberguensa. Marlon Sneek tambe na grito den cas di partido y a menasa cu lo ranca tur stickers nan for di su prado.
/// AVP no kier duna hobennan un chens real:
Benny Sevinger no kier move y ta bringando pa mantene # 2 riba lista. Un grupo grandi y primordialmente e hobennan no kier wordo gestempel como ladron y corupto y mucho menos kier carga fama di parha manera Avestruz of IBIS. Pero a tuma nota cu Mike De Meza, Benny, Dowers e “mafiosonan” y coruptonan di AVP no kier laga slek. Nan kiermeen hobennan mester custumbra na rabo di e lista sin importa Bo performance den ultimo elecion. Esaki ta kibrando candidatonan joung riba e lista berde mentalmente na un manera cruel.
/// Ken lo kier subi lista di AVP pa carga e golpi:?
Ken kier subi lista di AVP? Un partido cu a desgracia aruba financieramente. AVP a crea e Mega Debe. AVP a redobla e debe nacional di 43% (MEP 2009) pa 93% den apenas 8 aña. AVP a percura pa redobla interes riba placa presta unda nos ta paga awe 232 miyon pa aña solamente na interes. AVP a causa cu awe Aruba mester paga 82.4 miyon pa aña na proyectonan PPP. Na 2037 lo caba di paga esakinan. AVP a hasi negoshi cu terenonan propiedad di pueblo. Asina tin masha hopi desaster cu un grupo den AVP a causa. Ken realmente kier subi e lista berde? Despues cu Dowers y Candelaria caba di pleita nos lo mira. Pueblo no por pone Aruba bek den man di hendenan robez.
