Parlamentario Endy Croes ta cuestiona e Modus Operandi di algun Parlamentario y ta puntra su mes si e Parlamentarionan aki NO tin berguensa di cobra plaka di pueblo final di luna?
/// Tin algun cu no a presenta na trabou desde Covid 19 mas:
Tin algun Parlamentarionan di AVP kendenan no a presenta ni na trabou mas desde cu Covid 19 a drenta Aruba. Pues nan a baha recess tempran y no a regresa pero si ta cobra. Pueblo ta haña esaki husto? Tin otro cu a baha di December y a regresa Augustus. Asina AVP ta maniobra pero den prensa so Bo ta mira nan ocasionalmente un bes pa siman bacha pa crea e illusion den pueblo cu nan ta trahando. Pues ta reta Lider di Fraccion Marlon Sneek pa duna cuenta na pueblo di su Parlamentarionan perdi manera entre otro Benny Sevinger cu ta cobra y casi nunka ta na trabou.
/// Tambe tin e fenomeno Parlamentario Spirito Ladron di asiento:
Tin e fenomeno tambe di un Parlamentario antes di MEP kende tempo a trata Ley di Serlimar a “horta” asiento di un partido grandi sin ningun rason paso te cu awe e Ley ey nunka a wordo aproba y a baha na awa cu asiento di MEP y a bay sinta den scochi di AVP. Lokual ta frapante cu e Parlamentario aki kier traha Digital. Nunka e ta atende reunion, casi nunka tey pa debate. Tiki biaha cu e presenta e no ta debati ni 5 minuut y ta papia puro disparate. Pues masha tiki na palabra y nunka ta positivo. Kiko ta su balor agrega pa pueblo? Parlamentario aki ta “kies” reunion cu e wordo invita (exigi) door di oposicion pa ta presente. Asina el a jega pa e reunion publico di dialuna 5 di october unda a trata e ley di integridad y screening pa Ministers pa defende pensamentop di AVP. Como cu e ley aki No lo permiti Mike Eman duna su ruman sponsership di 1.6 Miyon pa un auto di careda mas. Tampoko e ley aki lo permiti Benny previligia su ruman pa cumpra 1 miyon na bari pa Serlimar sin destaho. Tampoko lo permiti Dowers saca 400 mil pa su casa pa advies. Tampoko Richard Arends ( amigo intimo di Daphne) por cobra 4 miyon den futuro mas consehando su propio gobierno. Juan David no por bende gobierno autonan di Polis mas si e mes ta minister. Visser no por participa na destaho onderhands y gana esaki na balor di 12 miyon pa anja. Michelle Hooiboer su casa no por gana destaho cu un simple 06 lijn como unico number di oficina. Desiree Croes su casa da Sousa no por strika miyones na Lotto y serca De Meza. Bermudez no por usa su compania pa bende belasting Kantoor un software SAP pa miyones di florin. Marlon Sneek no por a priveligia famia pa verf schoolnan rond di Aruba.Papiando di frieds & Family? Asina tin hopi mas. Pa e motibonan aki tanto AVP y Daphne Lejuez a vota contra e Ley aki cual tin conseho positivo di Raad van Advies. Pues tur kier mira un ley pa preveligia nan mes y a haña esaki demaciado fuerte.
/// Daphne Lejuez restante di siman desde dialuna atrobe no tabata tey:
Reunionan cu Daphne Lejuez no a atende desde September pa awor. Reunion cu SVB (3 ora), AAA (3 ora), Inspectie Volksgezondheid Aruba (3 ora), (ATIA 3 ora), Kennis making cu PG nobo (1.5 ora), Openbare Bijeenkomst Minister di Finansas pa trata uitvoeringsrapportage tweede kwartal (4 ora), Minister Lampe (1.5 ora), Openbare Verdagering cu Minister President tratando rapport Bo Aruba (5 ora), Openbare Bijeenkomst Spearfishing cu Minister nan Chris Romero, Andin Bikker y Marisol Lopez Tromp (4 ora), interno tabata tin reunion di CHA, algun reunion di Comision Central. Siman di 5-10 di October a sinta 4 ora cu Voogdijraad, 3 ora cu Rclassering y 3 ora cu Orde van Advocaten tur riba e cuestion di Abuso di Mucha pa buska solucionnan practico den nomber di pueblo. Ningun pero nungun e tabata presente. Missing in action! Tristo pa un persona horta un asiento y no ta hasi uso di dije den nomber di pueblo. Tempo ta Bo mihor amigo y pueblo lo mustra Bo y recordabo riba Bo hechonan bochornoso pronto!
