Pronto Aruba lo ricibi e bon noticia cu e Deal ta ON!
Parlamentario Endy Croes a splica cu negosacionnan ta andando entre RDA y Eagle LNG y tambe WEB. Nos por corda cu desde September October 2020 Consul nan Americano a bishita Aruba unda nan a splica cu den nomber di gobierno Americano tin tur sosten pa e proyectonan aki y alaves e Consulnan ta advocacy e compania Americano aki Eagle LNG. December a firma un Letter of Intent mientras inicio di Januari 2021 a logra firma un Letter of exclusivity. Entre RDA y Eagle LNG cosnan ta canando biento en popa. RDA ta bendiendo WEB HFO ( Heavy Fueloil) awor. Den futuro RDA lo bende WEB gas cu lo bira remplasante di (HFO), mas barata, mas limpi y stabiel pa e proximo 25 aña nan sigur.
/// Kiko tur Eagle LNG lo significa:
Eagle LNG ta un compania Americano multi miyonario cu ta dedica su mes den e negoshi di LNG gas. Eagle LNG tin tambe e approval di gobierno Americano pa por bende esaki pafor di merca. Eagle ta den negosacion cu RDA pa yega na un contracto final. Tin un vision grandi tras di esaki. Promer paso ta negosacion di RDA cu WEB pa asina WEB por yega na un acuerdo pa cumpra e gas aki cual lo significa cu plantanan den WEB lo core riba gas enbes di heavy fuel oil den futuro cercano. Di acuerdo cu cifranan publica di WEB riba nan website si WEB a bay over riba gas desde 10 aña pasa WEB lo a safe 650 miyon florin si a cumpra gas desde e tempo aya enbes di fuel oil. Pues beneficionan ta grandi. Parlamentario Endy Croes no ta kere cu por tin un hende contra esaki y su mensahe ta kla y raspa. Si tin piedra den caminda cu kier tranca proceso nos lo percura pa e piendranan aki wordo poni un banda. Algemene Belang di Aruba mester bay promer.
/// Kiko mas Eagle lo significa:
Un otro vision hopi bunita ta e bunker facility. Kiko esaki ta? Esaki ta un otro proyecto cu ta forma parti di e vision. Parlamentario Endy Croes a splica cu esaki ta e proyecto cu ta hala su atencion hopi den e vision pa futuro. Manera nos sa cu barconan incluyendo barconan crucero awendia tur ta bezig ta “switch” pa core riba gas enbes di fueloil. Eagle LNG tin un bunker facility ultra moderno na Jacksonville Florida. Barconan ta pasa “tank” gas akinan. Pues Eagle den e segundo paso lo inverti pa desaroya un bunkerfacility na Aruba unda lo por brinda e servicio na tur barconan cu ta crusa den nos area pa pasa “tank” gas na Aruba. Pa cruseronan esaki lo hasie mas interesante paso unaves e servicio aki ta na Aruba esaki lo atrae mas crusero pa inclui Aruba den nan ruta pa e servicio cu Aruba por brinda nan. Aruba lo bay ta leading den esaki den nos region. Finalmente un otro proyecto ta cu Eagle LNG lo bende LNG Gas cu otro islanan den region y esaki ta genera devisas pa Aruba. Pues banda cu WEB ta hunga un rol importante den ful e panorama aki esaki ta solamente e inicio di proyectonan solido cu ta na caminda pa Aruba y ta pa e motibo aki ta spera cu sano huicio prevalese entre tur esnan sinta na mesa di negosacion pa e siman aki nos por tende resultado alentador y cu pronto e promer contracto final wordo firma. Negosacionnan ta avansando den e bon direcion.
