Parlamentario Endy Croes a cuminsa precupa mas y mas cu e preguntanan cu nan ta ricibi riba caya. Recien cu siman a inicia a bolbe haña reklamo riba plaka cu Mike Eman a ricibi esta plaka preto pa core campaña. Berdaderamente durante aña 2020 a logra pone man riba pruebanan entre otro transferencia bancario di Roberto Rincon, un persona condena na merca pa 1000 miyon us dollar di soborno, pa cuenta directo di Mike Eman.
/// Mike Eman nunka a sali publico y bisa cu esaki no ta berdad:
Ta un custumber di Lider di AVP pa sali y contra aresta tur cos aunke sea cu mentira. Nos tur sa cu Mike Eman ta un manipulador di datos cifras y ta crea masha hopi storia sin importe cu ta berdad pero pa pinta kasteelnan di aire constantemente. Asina e ta trata na engaña henter un pueblo. Alaves Mike Eman ta sali contra aresta tur momento te hasta cu rapport di Banco Central cual e mes ta cambia informacion y traha su propio tabelnan pa plak na dije. Asina manipulador e ta. Pa straño cu e ta zona riba e acusacionnan cu Mike Eman a ricibi transferencianan di 50 mil us dollar cada un esta 90 mil florin cada biaha Mike Eman a keda muisstil. Nunka a sali contradusi esakinan. Ademas ta cu ki cara e lo por hasi esaki ciendo nos a publica e pruebanan.
/// Mike Eman ta un Lider corupto cu a desgracia Aruba:
Durante luna di September 2013 Mike Eman a ricibi transferencianan di hopi personanan dudoso. Asina a ricibi e transferencia di 50 mil dollar aki procedente di plaka preto. E Banco encuestion nunka a cumpli cu su deber di e meld esaki debidamente na “MOT”. E homber chikito cu hiba 2000 florin banco mester jena tur sorto di documento di unda e plaka a bin. Mike Eman sinembargo a wordo trata otro. Pesey mes manera a ricibi copia di e transferencia bancario aki mesora a entrega un keho oficial na Ministerio Publico. Esaki ta e caso wasmachine di Mike Eman. Por corda con AVP a sera campaña cu e famoso lighting parade cu 13 banda musical. Tur hende a puntra e tempo aya di unda e plaka aki por a bin. Segun Mike Eman cu e Concierto di Speranza di AVP na luna di December pero tambe e tantisimo BBQ cu nan a bende a logra sera e plaka pa cierre di campaña. Wel Ministerio Publico tin trabou pa hasi y asina desenmaskara Mike Eman su plataforma di strika plaka preto pa cumpra votos. Pueblo ta enespera di un update pa cu e caso aki.
