Den un entrevista cu Speed Andrade a tene cu Mike den cercania di Hospital Mike Eman a declará pa loke ta trata AZV lo siguiente: “Y loke ta haci mas dolor y nos preocupacion ta bira mas grandi ta cu hustamente den e crisis aki, Aruba a dicidi di corta 60 miyon presupuesto di cuido medico. Hulanda a bisa cu mester baha gasto den presupuesto cu 5 miyon florin pa luna, Hulanda no a bisa cu Aruba tin cu corta den cuido medico. Ta Aruba ta dicidi na unda ta corta. Gobierno di Aruba e dicidí cu ta den cuido medico ta bai corta.” E ponencianan aki di Mike Eman ta otro mentira flagrante; Mike Eman manera a bira caba un custumber di dje ta ganja atrobe. Ya cu CAft riba paginas 3 y 4 di su carta di 6 di Mei 2020 na Gobierno di Reino a scirbi: “Het Caft adviseert de kostenbesparingen IN DE GEZONDHEIDSZORG met voorrang te implementeren. Ook in eerdere adviezen heeft het CAft hierom gevraagd.” Hasta Caft ta duna ehempelnan na unda mester corta den cuido medico: “ een eigen bijdrage en ook bij het medicijnengebruik”. Den su conseho aki CAft te sigui bisa: “Het CAft adviseert om Aruba te vragen om hier vóór 1 juni invulling aan te geven en het CAft stelt voor om (taakstellend) een bedrag van AWG 5 miljoen in de juni tranche in mindering te brengen In dit advies is de voorgestelde AWG 5 miljoen op de liquiditeitsbehoefte in mindering gebracht.” A base di e conseho aki GOBIERNO DI REINO a dicidi dia 15 di mei 2020 lo siguiente: “Aanvullend geldt als voorwaarde dat Aruba vóór 1 juni de reeds op de plank liggende kostenverlagende maatregelen IN DE GEZONDHEIDSZORG implimenteert, waardoor er maandelijks AWG 5 miljoen kan worden bespaard op de Algemene Ziektekosten Verzekering (AZV). Den e Landenpakket pa Aruba Gobierno di Reino a dicidi bou di punto 3 di pone e siguiente condicion: “Aruba voert vóór 1 juni a.s. voor een bedrag van AWG 5 miljoen aan maandelijkse besparingen bij de Algemene Ziektekosten Verzekering (AZV). Deze beparing dient uiterlijk 1 juni met het CAft gecommuniceerd te worden.” Esaki ta decision di Gobierno di Reino y no di Gobierno di Aruba, manera Mike Eman ta ganja. Nos ta di acuerdo cu e conclusion di Mike Eman “cu e reduccion di 60 miyon lo ta devastador pa cuido medico” y nos ta contento di tende Mike Eman bisa den e entrevista aki: “Ta momento pa nos para hunto.” En vez di para hunto na e momento aki y juda nos Ministro Presidente di Aruba bringa e descrepancia di AWG 5 miyon (Conseho di CAft) y AWG 60 miyon (Decision di Gobierno di Reino) cu Hulanda, Mike Eman ta prefer di sigui haci “dorpspolitiek” y usa enganjo pa atacá Eveline Wever-Croes. Tanten cu nos keda bringa otro, Hulanda ta hunga nos contra otro. Mike Eman tin cuminza realisá su mes cu COVID-19 no tin color politico; ni Geel, ni Berde, ni Blauw, ni Blanco. Loke si ta haci dolor di berdad ta cu Mike Eman hasta den e tempo di e crisis aki no por laga di hunga politica partidario barata cu no ta na bienestar di interes general di Aruba. Nos kier suplica Mike Eman pa maske ta un vez pensa riba Pais Aruba y no na Mike Eman of su Partido.
