Pueblo bastante precupa cu e “speed” di Ministerio Publico
Parlamentario Endy Croes ta precupa cu e avalancha di criticanan cu tin riba Ministerio Publico ultimo tempo. Tanto na radio emisora y medionan social pero alaves riba caya Ministerio Publico ta bou atake pisa. Primordialmente alrespecto e casonan politico cu ta tumando demaciado tempo.
/// Aruba tin un PG nobo desde 1 di september 2020:
Aruba a haña un PG nobo desde 1 di september 2020 como cu desde April 2019 no tin un PG den funcion. Otronan a purba hasi e trabou di “waarnemend” PG pero claramente esaki no a funciona. Kisas ta pa miedo politico of ta riba ordo di Hulanda? Esaki ta e vocabulario cu ta wordo papia den comunidad.
///Paul Croes di AVP su caso lo bin dilanti Januari 2021:
Paul Croes x minister di AVP kende a wordo condena na 4 aña di prison den corte di promer instancia a bay corte superior esta Hoge Beroep. Desde Februari 2019 cu el a wordo huzga a usa tur sorto di triki contra un Ministerio Publico basta zwak segun expertonan y boca di pueblo y awor cu Ministerio Publico a sinti e rosea cayente di pueblo a core sali anucia cu e caso aki lo wordo trata Januari 2021. Pues casi 2 aña despues di e promer sentencia. Pueblo ta bastante indigna y Politiconan ta trata na mengua e precupacion di pueblo splikando cu Ministerio Publico ta mannan jen y falta di personal pa atende mnas rapido cu casonan asina.
/// Benny Sevinger sospechoso pa 5 acusacion pisa y castigabel:
Benny Sevinger otro x minister di AVP cu tin 5 acusacion pisa di Fraude y Corupcion den e caso di Avestruz tambe ta inespera pa cu un caso penal. Manera ta conosi desde Februari 2018 a entrega kehonan bon fundamenta cu pruebanan palpabel di Fraude y Corupcion cu tereno. Algun amigio/a a bira miyonario riba lomba di e pueblo aki cu ayudo di Benny Sevinger. Ta ser papia di suma di alrdedor 25 miyon florin alaves cuentanan di sumanan cuantioso di transferencianan bancario na Miami y Panama entre otro. Desde 1 di October 2019 Ministerio Publico a drenta cas di Benny Sevinger y cas di diferente amigonan hopi serca di Benny di AVP kendenan tur muy probablemente a forma parti di e banda criminal cu tabata bira rico cu benta di propiedadnan di pueblo. Asina tabata bende shares di NV cu diferente grupo cual NV tabata tin optie riba tereno comercial unda e optie tabata bay pa hopi plaka hunto cu e Sharesnan. Pueblo ta puntra ta cuanto tempo mas esaki lo dura. No por keda investiga pa semper. Ta na altura cu Ministerio Publico a ricibi informacionnan di hasta cuentanan di banco con plakanan a move di un punto pa e otro punto cu ayudo di Benny Sevinger su firma como facilitador. Parlamentarionan no por kenda traha excuus pa Ministerio Publico kendenan tambe ta bou atakenan fuerte awor diariamente. Ta spera cu Ministerio Publico cu su PG nobo Bote ter Steege por bin dilanti y duna update na pueblo di respectivo casonan bou investigacion cu ta tumando mucho tempo.
/// Mike Eman tambe ta bou investigacion:
Durante e anja aki a encontra pruebanan bancario unda Mike Eman a ricibi transferencianan di $50 mil us dollar na varios ocasion. Entre otro di Roberto Rincon kende a wordo sentencia na merca pa soborno di mas di 1000 miyon dollar. Asina Mike Eman a usa plaka preto “willens en wetens” pa cumpra votos durante elecion na 2013. Pueblo por corda e lighting parade cu 13 banda musical free of charge. Asina tabata pega borchi na cas di hende pagando nan un suma di 500 pa luna, alaves tabata regala stoof, wasmachine y frigidiare pa nombra algun. No ta nada stranjo e resultado di dicho elecion. Keho oficial cu pruebanan bancario a wordo entrega na Ministerio Publico y asina por analisa e cuenta di Mike Eman. Esaki lo ilustra for di cuanto hendenan dudoso mas Mike a ricibi plaka. Tanten cu Mike Eman ta bou investigacion e no por bira minister y elecion 2021 lo bira hopi scur pa Mike Eman. Ta keda na Ministerio Publico awor pa acelera y hasi su trabou pa trese claridad riba aspectonan cu pueblo ta biba enespera di un resultado.