A defrauda miles di su votadornan door di nenga pa representanan den Parlamento
Parlamentario Endy Croes a tuma nota cu tin un grupo masha grandi hopi rabia cu AVP. No obstante e fiel votadornan aki tabata rabia cu e hecho cu Benny Sevinger a actua na un manera masha irresponsabel den forma di corupcion grandi cu tereno nan tabata hopi precupa cu e rumbo cu Mike Eman a hiba e pais aki financieramente redoblando e debe di pais creando un desaster financiero pues e Mega Debe.
Mike Eman debe votadornan un disculpa:
E grupo aki cu a reuni cu un comision di MEP recientemente ta hopi rabia y agita na e forma con Mike Eman y AVP a trata nan. Hopi a sostene Mike Eman cu nan voto unda Mike Eman a logra mantene riba 7000 votos pa despues bira lomba pa tur su votadornan.Mike Eman a dal e porta sera den nan cara segun por a compronde. Mike Eman no a hasi ningun intento pa purba keda den gobierno como cu e tabata sa con el a laga finansas di e pais. Mike Eman a bira lomba pa su votadornan y mas tristo Mike Eman no a asumi su responsabilidad den Parlamento unda e por a representa e voz di su votadornan. Mike Eman a escohe pa laga tur na caya. Mike Eman a keda biba den un Penthouse masha trankil y rato rato ta hasi un reaparicion den publico y ta drenta su neishi bek mesora. Nan mes ta puntra di unda Mike Eman ta paga e Penthouse aki? Esaki ta inpordonabel pa e grupo aki. Ni cu Mike Eman pidi disculpa awor esaki ta hopi laat segun nan. Nunka pero nunka nan por a biba pensa cu Mike Eman lo trata nan voto, cual ta masha sagrado pa nan, na e forma tan desprestigioso asina . Nan ta sinti cu ta mescos cu nan a keda sin vota y nan voto a bay perdi of a wordo tira afor. Di acuerdo cu e grupo grandi aki te aki cu AVP y AVP nunka pero nunka mas. Simpatia ta cresiendo cu MEP segun por a confirma di esnan cu a asisti na e reunion aki.
