Parlamentario Endy Croes a keda babuca cu Mike de Meza na e manera cu el a hiba su preguntanan durante cu Promer Minister y e Advisory Comittee tabata presente den Parlamento pa duna update di refineria. Mike de Meza a presenta su mes como e unico experto den refineria. Alaves Mike De Meza kier conseha gobierno pa ta causteloso. Tambe Mike de Meza a bisa Promer Minister cu lokual Promer Minister a trese den Parlamento awe ta hopi onwaarschijnlijk y no lo ta realisabel. Esaki tabata palabranan di Mike de Meza. Pues sin conose detayes di e expertonan local y internacional ta parse cu berdaderamente Mike de Meza no kier pa e proyecto bay door.
Mike de Meza a grita den Parlamento cu prijs di crude lo alkansa $500:
Mundo ta dal buelta. Mike de Meza tabata cauteloso dia el a papia disparate den Parlamento? Mike de Meza na aña 2012 a grita den Parlamento cu prijs di Crude lo alkansa $500 dollar pa bari. Segun Mike de Meza e tempo aya cu su Team di experto cu ta domina e materia aki a consehe y cu di su expertisio tur cos ta mustra cu e prijs lo aumenta y alkansa $500 dollar pa bari. Esaki a condusi cu WEB e tempo aya a core bay “hedge” tras di e miedo cu Mike de Meza a inculca den WEB. Asina e team cu tabata representa Mike de Meza den WEB a sera contactonan largo di 3 aña y a hedge mas di 90% di lokual cu WEB ta usa na prijs di 93 us dollar pa bari cual e prijs tabata ta e tempo aya pa asina proteha Aruba. Aparentemente segun Mike de Meza e prijs lo alkansa $500 dollar pa bari. Kiko a resulta ni 3 luna despues cu WEB a “hedge” na $93 Us dollar e prijs a baha y a alkansa te hasta $30 dollar pa bari. Akinan WEB a perde 300 miyon florin unda hasta mester a aumenta e prijs di awa y coriento momento henter mundo a conose reducion den prijs. Esaki ta e visionario Mike de Meza kende awe kier conseha gobierno.
Mike de Meza a deal solamente cu mafiosonan den e mundo aki:
Mike de Meza a firma contracto inicialmente cu CITGO Aruba Holding un compania bashi bashi y sin plaka. Mike de Meza nunka a firma cu CITGO Petroleum Corporation esta e compania cu berdaderamente tin miyones. Mike de meza por splika esaki? De Meza a negosha cu Roberto Rincon kende a wordo condena pa gobierno Americano pa soborno di 1000 miyon dollar. Amigo di Mike de Meza y Mike Eman ta Raul Baradat otro corupto kende no por drenta Venezuela y tambe tabata den e deal di Citgo. Raul Baradat despues a wordo saca na mal ordo for di Refineria y a bay keda den Marisol Building te ora el a bay Panama. Mike de Meza a negosha cu Nestor Martinez kende a bay sera y despues a fayese. Mike de Meza su man drechi den MAN CAMP otro proyecto corupto tabata Surendranath Chuckaree. Akiden ta papia di suma di 90 miyon dollar y nos por corda con e Board nobo di PEDEVESA a acusa esnan biew di a mafia hopi plaka. Esakinan tur ta amigonan di Mike de Meza. Mike de Meza tabata masha sera tambe cu un grupo AZZURA. Asina tin hopi mas. Pues awe Mike de Meza no kier duna e gobierno aki ningun chens ni pa purba pero ya caba ta negativo anticipando cu aparentemente nada lo por.
Mike de Meza su tempo a pasa. El a causa e pais aki demaciado daño tempo cu e tabata minister di finansas y a construi e Mega Debe y despues como x minister di Energia y Utilidad el a masacra esakinan pa sinta wine and dine y sera dealnan cu hopi mafisosnan. Lamentablemente ningun pero ningun deal di Mike de Meza a cristalisa. Un cos si nan a malgasta 20 miyon di RDA cu 3 apertura falso te hasta cu DESTRA. Mihor cos Mike de Meza por hasi ta baha na awa!
