ORANJESTAD, Aruba
Parlamentario Endy Croes ta hopi indigna cu e actitud bochornoso di Hulanda mei mei di un crisis. Desde Maart 2020 mundo a wordo sacudi pa un crisis mundial hamas bisto esta e covid 19. Enrealidad di acuerdo cu nos Status Aparte y areglonan den Reino paisnan den Reino lo saca man pa juda otro ora ta rekeri esaki. Asina Aruba y Corsow a saca man pa juda Hulanda durante inhudacionnan na 1953 conosi bou di e nomber watersnood 1953.
/// Hulanda kier malusa su poder den crisis pa kita Status Aparte di Betico:
Hulanda sinembargo ta mustrando su berdadero cara. Berdad nan a juda mesora cu prestamonan na 0% di interes pa cu lunanan di April, Mei y Juni. Actualmente Aruba a hasi calculacionnan pa e siguiente 3 lunanan y aki CAFT a conseha pa juda Aruba cu 204 miyon na prestano pa e siguiente 3 lunanan. Raymon Knops den nomber di Mark Rutte a bin na ultimo ora cu un condicion nobo y extra na nos Minister President. Hulanda awor kier pa Aruba entrega su Status Aparte y acepta Consensus Rijkswet mescos Corsow y St Maarten y a pone cuchui riba mesa pa negosha. Take it or leave it. Si no acepta esaki Aruba no lo haña plaka. Ki berguensa pa trata y deal cu rumannan den Reino primordialmente durante un crisis unda Bo kier malusa Bo poder pa logra kibra Aruba for di otro purbando di pusha un pueblo den un skina sin salida. Malafide!
/// Rijkswet 10-10-10 na Corsow y St Maarten no a funciona:
Desde 10-10-10 esta 10 di October 2010 Corsow y St Maarten a haña nan Status Aparte bou di condicionnan diferente. Hulanda a paga tur nan debenan pa nan unda nan a cuminsa di 0 y a bay di acuerdo pa un Consensus Rijkswet. Hulanda a paga 1600 miyon Euro na debe. Hulanda a exigi den nan deal pa tin un CFT cu lo hasi e control pero awe 10 aña despues Corsow no a conose e progreso real. Puyes e no a funciona.
/// Si no ta pa e desaster cu AVP a causa awe nos no mester di Hulanda:
Na Aruba esaki ta diferente. Si no ta pa e desaster financiero cu Mike Eman y AVP a ocasiona unda nan a presta 2000 miyon den 8 aña y a triplifica nos debe nacional awe Aruba lo ta solido para y no tin mester di Hulanda. AVP a horta e pais aki na un manera increibel. Caso Avestruz di Benny Sevinger, Caso IBIS di Paul Croes, projectonan Bo Aruba unda 1000 miyon a desaparese, projectonan PPP unda e pueblo lo bay paga 20 aña largo 82.4 miyon pa aña, 142 miyon na salaris di amigonan, aumento di 82 miyon salario di empleadonan publico, interes 232 miyon pa aña pues un fiesta sin control y awe nos ta sufri e consecuencia. Tur esaki den apenas 8 aña di cual desde 2014 bou nanishi di Hulanda. Mike ta sali grita cu e ta orguyoso di e debe mientras Benny ta grita publicamente I dont give a dahm. Esaki ta e berdad suno Aruba. Gabinete Wever Croes a encontra deficitnan di 444 miyon pa aña y a converti esaki den apenas 2 aña pa Surplus di 25 miyon na 2019 cu un presupuesto cu prognosticonan pa casi 50 miyon di Surplus pa 2020. lamentablemente corona virus a cambia tur cos. Laga nos hunto para duro pa nos idealnan y deal cu Hulanda cu respet pero fuerte. Nos no por wordo condena awe pa hecho cu un solo partido ( AVP) a masacra e lugar aki den 8 aña. Cu perseverancia y inteligencia nos lo logra!
