ORANJESTAD,Aruba
Parlamentario Endy Croes ta splika cu finalmente e keho oficial contra Mike Eman a keda kla. E siman aki ta un siman interesante unda cu lo hasi un bishita na Ministerio Publico pa oficialmente entrega un keho hopi amplio y cu prueba contra Mike Eman.
/// A tuma poko mas tempo cu a anticipa:
Parlamentario Croes ta spika cu esaki a tuma poko mas tempo cu a anticipa comokiera cu kier a prepara esaki na un forma corecto cu prueba pa garantisa cu Minosterio Publico lo hasi su ionvetigacion unabes cu nan ricibi e keho oficial. E siman aki entre dialuna cu diaranson awor lo hasi un bishita na Ministerio Publico pa oficialmente entrega e keho bon ducomenta cu prueba
/// Mike Eman usa placa preto di Roberto Rincon pa cumpra votos:
Desde 2014 den diferente articulonan den prensa tabata tin acusacion fuerte contra Mike Eman relevando cu Mike a ricibi plaka di Roberto Rincon for di un di su companianan esta Tradequip di Maracaibo pa cu elecion 2013. Sinembargo e pruebanan aki nunka a wordo publica of kisas no tabata tin e pruebanan aki alrespecto. Tabata algun siman pasa esta awor den 2020 cu a logra haña algun prueba contudente di transferencianan bancario di Roberto Rincon pa cuenta di Fundacion Campaña Mike Eman.Recientemente a publica un di e preubanan cual tabata un transferecia di 50 mil us dollar.
/// Roberti Rincon a soborna PDVSA pa mas di 1000 miyon y a cay sera:
Dia 18 di December 2015 Roberto Rincon a wordo aresta na merca. E aresto aki tabata tin di haber cu un investigacion pa cu e periodo di 2008 pa 2014 unda a acusa Roberto Rincon pa a comete soborno paga hende pa haña projectonan miyonario den PDVSA y a move mas di 1000 miyon dollar. Pues ta mesun plaka preto aki a wordo usa pa campaña di Mike Eman na 2013 unda varios transferencia a wordo hasi pa e Fundacion Campaña Mike Eman. Por corda entre otro cierre di campaña di AVP cu un lighting parade cu 13 banda riba ruta anto tur cos gratis. Mike a usa plaka preto pa cumpra votos y esaki ta castigabel.
/// Ministerio Publico ta na turno awor:
E siman aki manera cu e keho aki wordo entrega nos lo comunica esaki cu prensa. Ministerio Publico tin trabou pa investiga Mike Eman y Fundacion Mike Eman. Ministerio Publico tin toolsnan legal cu nos no tin y un investigacion profundo di e cuenta di banco di “Fundacion Campaña Mike Eman” den futuro cercano lo desvela ta cuanto plaka exactamente Mike a ricibi y ta for di cual fuentenan dudoso e plakanan aki tabata drenta. No lo tin duda cu mesun practica cu Paul Croes a hasi cu su Fundacion di campaña unda caso IBIS a demostra cu por ehempel a ricibi plaka a cambio di fabor politico y hasta a usa e plaka ey pa traha su cas y instala airco na su cas por ta e practica di Mike. Mike ta bibando den un mansion na Marisol Building keto bay pero Mike Eman no ta trahando y no tin entrada. Esaki tambe ta un indicador pa pone un luz briya cerca Ministerio Publico. No por lubida cu 7 luna despues di elecion na 2013 Benny Sevinger a duna Roberto Rincon un tereno grandi na Balashi den apenas 5 dia cu e peticion a drenta “hand delivered.” Segun Benny el a google y no a haña nada straño. Prohibi pa lubida. Investigacion lo bay determina di kendenan tur Mike Eman a ricibi fondonan dudoso y ta cuanto plaka preto el a usa pa cumpra votos na 2013.
