ORANJESTAD,Aruba
Parlamentario Endy Croes a reaciona riba un carta cu a sali publica riba Facebook firma pa presidente di SIMAR Sra Josephina Albertus. Ta trata di un carta hopi baho faltando etica y respect pa un Promer Minister di un pais kende dia y nochi ta trahando pa saca Aruba for di un abismo.
/// E carta di Simar di 16 di Mei ultimo ta acusa Promer Minister bou nivel:
Presidente di SIMAR a manda un carta den nomber di su miembronan acusando Promer Minister di misleiding en bedrog pues acusando Promer Minister como mentiroso despues di e informacionnan cu Promer Minister a comparti den un conferencia di prensa extraordinario diabierna ultimo despues di Rijksministerraad unda Aruba a logra haña aprobacion pa 113.3 miyon reparti den liquides, FASE y Loon Subsidie. Nos ta cita un frase den e carta di SIMAR “ Dit wekt de indruk dat de informatie niet gebaseerd is op de werkelijkheid van feiten en dat op zijn zachts gezegd sprake is van misleiding en bedrog van het volk”. Ta cu figuranan “raro” asina un Minister President di un pais mester deal na mesa? Josephina y SIMAR a saca nan conclusion despues cu a scucha un intrevista cu Knops. Josephina Albertus parse lo tin un sencacion di alegria si gobierno di Aruba no haña plaka. Asina e lo sirbi e proposito di su partido cu e ta afilia na dije como activista esta AVP. Sinembargo lo ta bon pa e biaha aki e realisa cu covid 19 tin hopi pero hopi famia den dolor y ta hustamente e famianan aki ta expect solaridad di entre otro miembronan di SIMAR. Conclusion tabata uno eroneo.
/// Josephina a comete un blunder y no ta compronde Hulandes:
Algun siman pasa Josephina tabata den Parlamento di Aruba. Riba un pregunta di colega Rocco Tjion ta cuanto miembro SIMAR tin Josephina a contesta den Parlamento cu e no sa y lo mester check esaki bek. Esaki ta e presidente di SIMAR. Si Josephina a hasi su huiswerk mihor of laga su abogadonan acesore den Hulandes e por a scucha den e declaracion di Knops unda Knops a splika “ Meld men terug aan mij” cual Aruba a cumpli cune e mesun dia aceptando e extra condicion riba AZV. Den otro noticianan tambe Knops a declara cu Aruba a cumpli y a haña e lening di 113.3 miyon na 0% di interes. Pues kiko a condusi Josephina Albertus manda un carta sin etica culpando Promer Minister como mentiroso no ta conosi. Ta hopi kla cu Josephina no ta compronde hulandes.
/// Un disculpa lo ta na su lugar:
Den bida tur hende por faya. Ora Bo ta den posicion no kere cu abo so por culpa y perde respect pior ora Bo no tin rason. Si Bo kier crusa liña y subi tereno politico por conta cu tur dia nos lo tey pa contraresta Bo anto cu berdad. Hasi Bo trabou na drechi y bringa cu respect pa Bo miembronan. Parlamentario Endy Croes ta kere cu un disculpa di Josephina Albertus na Promer Minister ta na su lugar y lo keda nechi. Terminando den crisis no ta momento pa bringa otro y purba saca ventaha. Corda semper un grupo grandi den comunidad ta pasa den duro y nos pensamento mester ta constantemente kiko nos por hasi hunto pa ta solidario y juda e grupo ey.
