Aprobacion di e maneho actual di Pandemia of entrega Aruba bek den man di Ladron y Corupto
Parlamentario Endy Croes a splica cu e elecion proximo di 25 di Juni mester wordo considera como un Referendum. Aki pueblo tin e oportunidad di vocifera su mes mediante nan derecho democratico expresando nan escogencia por medio di nan voto.
/// Elecion aki ta un Referendum:
Parlamentario Endy Croes a sigui splica cu berdaderamente e elecion aki mester wordo considera como un Referendum y ta amplia. Aruba ta para dilanti un cruzada grandi. Pueblo mester bay escoge y duna mandato den politiconan cu lo dirigi e pais aki e proximo 4 añanan. Cu e Referendum aki bo tin solamente dos choice. Bo ta vota pa: A.) “Aprobacion di Gabinete Wever Croes pa cu nan maneho durante e Pandemia”, of
B.) Bo ta vota pa duna luz berde na AVP pa continua cu Fraude y Corupcion.
AVP ta campañando cu un serie di mentira usando tur triki pa purba bini bek. Asina tin un cantidad di haragan na manera Patrick Paskel y Speed kendenan a strica 8 miyon di e pueblo aki den forma di un atraco historico gritando nan alma tur dia na radio pa trata na influencia desicion di un pueblo pa nan por ta bek.
/// AVP kier STOP casonan bou investigacion :
AVP todo por todo kier ta bek pa asina nan “STOP” casonan bou investigacion. Casonan manera di Benny Sevinger y Avestruz y e caso di landronicia den RDA cual apenas ta cuminsa ta casonan cu AVP kier STOP pa scapa nan amigonan berde di mes. Pesey ta di sumamente importante pa pueblo compronde e strategia di AVP y su aliadonan. Esnan cu mas ta grita awe ta esnan cu a wordo previligia cu miyones. Casonan manera Avestruz di Benny Sevinger te cu awe tin Leoncita, kende a habri radio pa chwercha tur hende di MEP, awer den KIA na Santo Patia esta na Hotel miracielos. Hopi Leoncita a goza por ehempel cu e caso di Lotto. Mas di 11 biaha ( cual nos a logra conta) a duna Melvin Tromp, den pueblo cariñosamente conosi como e “Donkey” di AVP, oportunidad den programanan di un ora largo cada ves pa lastra hende drechi. Nos por corda “busjie komt zo” y tambe cancionnan manera sigui traha e bom. Wel awe ta nan mesun busjie komt zo a pasa piki nan y e bom a rembenta den nan propio cara.
/// AVP ta un partido corupto y sin dignidad:
AVP a desgracia y masacra Aruba financieramente. Si no ta pa e mal maneho aki Aruba lo tabata para hopi mas fuerte. Banda di a “miss manage” Aruba financieramente lagando un Mega Debe atras AVP bou di liderasgo di Mike Eman a laga cada Minister “horta” e pais aki na nan antoho. Mike Eman mes ta sospechoso actual pa ricibi transferencianan di 50 mil us dollar di soborno esta placa preto, Paul Croes sentencia den caso IBIS, Benny Sevinger sospechoso principal den caso Avestruz pronto lo wordo lanta y e busjie lo hibe santo patia, Rapport RDA tin un cantidad di hende nervioso y pronto nos lo scucha nombernan cuminsa cay den e caso aki manera Richard Arends, Mike de Meza, Patrick Paskel pa nombra algun hendenan den e promer circulo di AVP. Considera e elecion aki un Referendum y vota consiente pa tene ladron y coruptonan leew di placa di pueblo. Pensa riba futuro di bo juinan y brindanan un oportunidad di lanta y biba den un Aruba sin corupcion. Futuro di Bo juinan awe ta den Bo propio man!