Parlamentario Endy Croes a amplia riba e firmamento cu a tuma lugar diahuebs den oranan di mainta na Kantoor di Promer Minister. Desde diaranason den oranan di mainta a yega di USA un delegacion di representantenan di Eagle LNG. Tanto President CEO Sean Lalani y Vice president di Business Development Filipi Pinto ta na Aruba pa asina hiba negosacionnan cu RDA y Gobierno. Mentrastanto via canalnan oficial 2 Consul di USA tanto Consul General Allen Greenberg y Christian Olson di economic affairs tabata riba un bishita special pa reuni cu difernte Minister y algun Parlamentario. Den oranan di mainta durante un reunion cu Promer Minister na kantoor di Minister President den presencia di Consulnan di USA Eagle LNG y RDA a logra yega na un LEO. Esaki ta un Letter of Exclusivity. Despues di negosacionnan extenso abogadonan di Eagle LNG y esnan di Aruba cu RDA a logra yega na un entendimiento exclusivo cual a wordo firma. Cu e acuerdo di exclusividad aki Eagle LNG por cuminsa hasi inversionan y lo inicia cu inversionan anticipando e contracto final. Asina fuerte esaki ta mara.
Negosacionan lo sigui pa un contract final:
Negosacionnan lo continua cu velocidad halto den e simannan nos dilanti pa asina por cristalisa un contracto final. Practikamente nos por bisa cu RDA y Eagle LNG a yega na otro y ta cuestion di algun siman pa firma e documento final. Eagle LNG lo bay suminstra gas pa Aruba y lo exporta desde Aruba pa region. Un proyecto ambisioso y sigur bon pa Aruba cual a wordo logra. Lo stimula economia crea cuponan di trabou pa cu construcion dentro di poko y alaves cuponan di trabou ora e ta ful kla. Pabien Evelyn Wever Croes cu un logro grandi cu lo bay keda graba den historia. Den futuro cercano lo cuminsa sinti tur e benificionan positivo di lokual a wordo firma awe cual nos lo amplia riba nan den un otro articulo.
