ORANJESTAD,Aruba
Parlamentario Endy Croes a amplia riba algun sucedido cu tabata hopi notable durante IPKO na Corsou. No solamente bo ta ricibi oportunidad pa networking cu Parlamentarionan Hulandes y esnan di Corsou pero den e IPKO aki a keda demostra cu tin Parlamentario “bulado di cura” cu ta lobby buscando oportunidad pa subi lista di AVP. Daphne Lejuez a lobby fuertemente cerca Richard Arends buscando oportunidad pa subi lista di AVP. Informacion cu nos ta dispone di dje ta cu AVP no kier’e. Parlamentario Croes a splica cu algun Hulandes a conta e storia di Jacques Monash.
Kende ta Jacques Monach?
Jacques ta un politico Hulandes di Partij van de Arbeid. Jacques Monash como Parlamentario den Tweede Kamer representando PVDA – e vehiculo cu a brind’e e oportunidad pa bira Parlamentario – a bula afo y a horta e asiento di PVDA dia 31 di maart 2016. Esaki a bira un polemica grandi na Hulanda. Hulandesnan ta reconoce figuranan asina sin escrupulo como “zetelrovers”. NRC Handelsblad a skirbi un articulo riba Jacques Monash su actitud baho aki hortando su propio partido y nos lo quote un parti: “Blijkbaar beschouwt hij de schamele 2193 voorkeurstemmen als voldoende mandaat om zijn zetel niet terug te hoeven geven aan de partij aan wie hij zijn verkiezing te danken heeft. Een zuiver geval van zetelroof. Er wordt indringender opgeroepen hier nu eens een einde aan te maken”. Pues Hulanda tambe ta masha preocupa y contra di esnan cu ta horta asiento di un partido y bay cune. Jacques Monash a lanta su propio partido Nieuwe Wegen y 22 di maart 2017 pueblo Hulandes a rechas’e totalmente durante eleccion y e no a logra saca asiento pa drenta parlamento y awor e ta fuera! Parlamentario Endy Croes a keda contento cu Hulandesnan a comparti algun storia. Tambe a logra ricibi diferente documento importante alrespecto ‘zetelrovers’ confirmando cu Hulanda no ta apoya ladronicia di asiento.
Aporte di Daphne: Nul komma nul
Den caso di Daphne Lejuez esaki ta similar. El a horta un asiento di un partido bay cune y nechi lo tabata entrega su asiento manera un hende civilisa y manera cu el a promete partido na inicio. Den tur esaki su aporte na IPKO tabata nulo. Por ehempel diabierna mainta momento cu hefe di delegacion a yama un reunion di caracter di urgencia pa Aruba debati den bloke pa tuma un decision den conhunto cual ta hopi importante, net algun minuut promer cu delegatieleidernan drenta reunion final, a resulta cu Daphne atrobe no a show up. Sinembargo MEP, AVP, RED tur tabata presente pa dicho reunion. Sorprendente tabata ta cu ultimo ora e mesun dia ora tur e Hulandesnan tambe a yega reunion, Daphne a cana kibra sinta smile pasa sunchi e Hulandesnan cu su sunchi di Hudas, saca poco potret tira riba FB pa mustra cu e ora ey si e tabata t’ey sin a duna ningun pero ningun contribucion pa Aruba. Asina tabata tin mas biaha cu e no tabata presente. Pakico Parlamento mester paga bo ticket y daggeldvergoeding anto? Endy Croes lo trata esaki internamente.
Horta asiento di MEP
Recien december Daphne a lanta bay Hulanda den un handelsmissie como eenmansfractie. Esaki a costa pueblo 15 mil florin. Segun Endy Croes cu Daphne no ta adkeri tur derecho manera un fraccion cu si a bay eleccion. Lo cuminsa investiga esaki y si e mester paga bek lo pidi Parlamento pa cobr’e bek. Kico ta e balor agrega pa pais Aruba pa un hende cu apenas 100 y pico voto, kende a wordo brinda un oportunidad door di e vehiculo MEP door di nos sistema legal pa drenta Parlamento y ta cobra un salario netto di Afl. 8200 pa luna awor a horta bo asiento bay cune, keda cobra Afl. 8200 pa luna y pidi pa representa Aruba den tur e biahenan. Serafina den Jet a keda chikito. Esaki a aumenta gasto di Parlamento enorme pasobra tur esaki ta bin extra awor.
Tin hopi mas otro informacion alrespecto otro tema por ehempel di acercamento cu RAIZ y AVP. Informacion interno di AVP a mustra cu un grupo grandi den AVP tin Mike Eman hura pa e NO comete e eror ey como cu Daphne no ta aprecia pa hopi den AVP. Den RAIZ e feedback no tabata otro, primordialmente Daphne a exigi puesto number 1 riba RAIZ.
Parlamentario Endy Croes a termina bisando cu hende mester ta honesto cu Pueblo y cu nan mes. Endy ta considera e actitud aki un abuso di marca mayor. Time will tell con pueblo lo rechasa mentalidadnan asina totalmente mescos cu a pasa na Hulanda.