ORANJESTAD,Aruba
Parlamentario Endy Croes ta precupa cu ultimo desaroyonan. Hunto nos mester buska solucion y salida elegante pa pueblo. Corona Virus converti su mes den un Pandemia infectando mas di 2.3 miyon hende rond mundo causando mas di 160 mil morto. Paisnan a tuma tur medidanan nesesario pa preveni cu e Corona virus lo keda plama liher . Esaki sinembargo a causa un golpi fuerte pa economia mundial. Aruba ta conosi como kleinschallig economie y un economia cu su “drive” of pilar economico ta depende riba turismo. Segun estudio contribucion di turismo ta 21% di GDP di nos pais mientras 82 % di turismo ta bini di USA. USA actualmente ta e epicentro di Corona virus cu rond 38 mil morto. Pues lo tuma mas tempo cu kisas tin planea pa habri frontera y “jumpstart” nos pilar economico bek.
Mike Eman y AVP nan vision pa nos economia:
Durante 8 aña di AVP e vision di Mike Eman tabata pa pump plaka y injecta miyones(plaka presta) den klinkers y construcion comosifuera esaki lo ta e way to go. Consecuentemente a usa 1600 miyon (1.6 Biyon) di acuerdo cu rapport di Algemene Rekenkamer ( rapport Bo Aruba) den tur sorto di projectonan cu no a duna resultado. A presta 2000 miyon den 8 aña. Interes riba e plaka presta a alkansa 232 miyon pa aña cu ta igual na 635 mil florin pa cada dia. AVP a laga Projectonan PPP atras cu un debe di 82.4 miyon pa pueblo paga den e proximo 20 aña. Manera Mike Eman a jama esaki cu e ta orguyoso di e debe y e debe tey pa henter pueblo paga esaki den futuro. Rapportnan di Banco Central a ilustra cu den 2015 y 2016 por ehempel Aruba NO a conose cresemento economico. CAFT su rapport na 2018 a splika hopi kla cu e theoria di Mike Eman y AVP pa inverti miyones den klinkers y construcion cu e pensamento cu esaki lo pone economia draai no a funciona y den un kleinschallig economie esaki a keda demostra awor. Pero pueblo si ta horka caba awor.
Gastonan di personal a aumenta cu 50.000.000 ( 50 miyon) bou di AVP:
Gastonan di personal a aumenta considerablemente den 8 aña di AVP. A paga 142 miyon na salarisnan astronomico na coordinadornan den 8 aña. Pues un suma hopi brutal. Raad van Advies den su advies di 2020 a inclui un tabel cu gastonan di personal desde 2011 pa 2020. Den e periode aki di Mike Eman y AVP ta hopi kla con Mike Eman y AVP a aumenta e gastonan personal cu 50 miyon florin. Di 426 pa 474 miyon. Gobierno actual ta hasiendo tur ehersicionan pa baha e gastonan aki bek di cual den aña 2019 cu hopi esfuerso a logra rebaha esaki caba na 472 miyon. X-Gobernantenan di AVP manera, Mike Eman, Benny Avestruz Sevinger, Mike De Meza, Paul IBIS Croes, Richard Arends, Arthur Dowers ta hendenan cu mester keda leew di Politica y no merese ningun pero ningun oportunidad nunka mas pa goberna e pais aki. No ta manera di strangula economia y finansas publico di e pais aki creando un Mega Debe horcando e pueblo aki te na strop.
