Parlamentario Endy Croes ta haña ta hopi oportuno pa PG nobo Bote ter Steege tene un conferencia di prensa pa splika pueblo kiko tur el a inventarisa y cuanto caso e tin ta andando y con e ta planea pa atende cu esakinan. Pueblo di Aruba practikamente a perde confiansa den Ministerio Publico desde cu Alexander van Dam a regresa Hulanda april 2019. Esaki ta e feed back cu Bo ta sinti na radio y riba caya unda cu Bo drenta cualkier lugar publico. E critica riba Ministerio Publico ta hopi fuerte te hasta pueblo ta link e hopi cu politica pretendiendo cu Ministerio Publico ta “tapa” pa AVP. Nos tarea como Parlamentario ta mantene e balansa y purba combense pueblo cu Ministerio Publico mester su espacio pero ja no por combense pueblo cu esaki mas.
/// Tanto Paul Croes y Benny Sevinger x ministernan di AVP ta corumpi:
Paul Croes x minister di AVP tin un sentencia 22 Februari 2019 di 70 pagina. Eyden por a sigui con e mafia di AVP tabata funciona bou nanishi di Mike Eman. Paul a wordo condena na mas di 4 aña di prison y pa 10 aña no por cubri ningun funcion den gobierno tampoko por ta riba ningun lista politico. Paul Croes a bay Hoge Beroep y te awe ta enespera di un fecha pa esaki wordo trata. Mientrastanto a traspasa un aña y 8 luna. Mucho no lo cambia den un futuro sentencia den Hoge Beroep. Durante e tempo aki Ministerio Publico tabata manca sin un PG y lo demas tabata traha jen di miedo. PG nobo Bote ter Steege por duna un update di esaki? Pueblo ta puntra. Benny Sevinger otro x minister di AVP kende ta intimo “pell” di Mike Eman tin 5 acusacion hopi pisa riba dije. 1. Valsheid in geschrifte ( Falsificasion), 2. Oplichting ( Estafa), 3. Misbruik van Functie ( maluso di poder), 4. Het aannemen van steekpenningen( aldan niet handelen instrijd met zijn plicht) acepta Soborno, 5. Opzettelijk gewoonte witwassen ( Deliberadamente y a proposito laba plaka). Tin caso cu prueba hasta cuenta di banco unda Benny a coopera cu un amigo x candidadto di AVP pa bende opties di un tereno comercial via e “shares operandi” pa 3.5 miyon dollar. Asina tin hopi prueba mas. Pues lo ta bon pa PG nobo duna un splikacion na pueblo pa mantene pueblo calmo. Bo a bin pa traha awel trabou tin. Welcome y sea balente pa cumpli awor Croes ta termina bisando. E minimo cu e PG nobo por hasi ta duna un inventarisacion kiko tur el a encontra y con e lo agendeer esakinan pa traha riba nan. Segun comunicado di Parlamentario Endy Croes
