Op Aruba noemt hij ze Dieven, Coruptie en Family & Friends maar in Nederland is het Integriteit
Parlamentario Endy Croes a haña masha frapant cu Parlamentario di Tweede Kamer meneer Bosman a sali na defensa di Staatssecretaris Militair Knops riba un artikel cu a wordo publica den prensa local siman pasa.
Hulanda exigiendo CONSENSUS eenzijdig:
Desde entrada di Covid 19 a cuminsa un discusion bastante fuerte entre Hulanda y e islanan Caribense. Hulanda berdaderamente a aporta cu ayudo medico pero tambe cu prestamo pa Liquiditeits steun pa cubri entre otro Loonsubsidie. Hulanda a pone diferente condicion riba mesa cual no ta nada abnormal como un pais cu ta prestando otro pais placa. Aruba a cumpli cabalmente cu tur exigencianan di Hulanda desde luna di April, Mei y Juni. Te hasta corta 35 miyon den AZV hustamente mei mei den un Pandemia. Aunke incomprendibel pero a cumpli. Hulanda na un manera tracionero a bin “last minute” cu 2 exigencia extra hopi fuerte esta pa introduci (2) Rijkswetten mas un Entiteit cu 3 Hulandes kendenan lo bay goberna banda di gobierno actual for di Den Haag. Hulanda ( Militair Knops) a presenta 218 pagina y no tabata kier pa Parlamento(nan) mira esakinan y a duna Promer Minister 4 dia pa firma esaki. Segun Hulanda asina ta logra CONSENSUS. Pues Hulanda kier impone eenzijdig y jama esaki CONSENSUS. Ta e abuso y manera di negosha aki islanan ta bringando cu tur nan derecho.
Kiko a pasa exactamente?
Parlamentario Endy Croes a publica un artikel na papiamento unda a splika di acuerdo cu documentonan ricibi cu Staatssecertaris Raymond Knops ta 100% doño di un compania cu jama Jorim Holding BV. Jorim Holding BV ta 10% doño di Cortex BV un compania cu ta brinda servicio di entreotro Inteligencia y Seguridad. E compaña Cortex BV tin contractonan miyonario y hopi lucrativo cu gobierno Hulandes. Raymond Knops mes a publica den su “nevenfuncties” “inkomsten niet bepaald”. Wel e artikel aki a pone Bosman su “fuse bula” y a sali na defensa di Knops y a post e artikel di mi persona cu su comentarionan na Hulandes cu lo siguiente: Op moddergooien corvee van de MEP probeert hij de aandacht van de problemen van de Arubaanse regering te verdoezelen”. Dieptries cu un Parlamentario Hulandes kende tin 17 miyon habitante pa deal cune y 40.000 daklozen ta cana rond na Hulanda den problema y un debe nacional di 400 miljard kier perde su tempo pa defende Knops cu ta stricando miyones for di gobierno Hulandes? Segun Bosman e structura cu e ta hasiendo esaki ta legal y Knops mag. Na Aruba esaki ta corpucion, ladronicia y friends & Family pero na Hulanda esaki jama Integriteit di acuerdo cu Bosman. Het kan verkeren!
/// Op Aruba noemt Bosman dat Coruptie maar in Nederland integriteit:
Raymond Knops a incorpora su negoshi Jorim BV den un Stichting cu ta hasi trabounan admistrativo cu un bestuurder independiente. Asina Knops a raporta na Rutte cu el a distancia su mes di Jorim BV kende ta 100% di dije y 10% doño Cortex BV cu tin contracto miyonario cu gobierno Hulandes y ta laga un Stichting admistre por lo pronto. Rutte como formateur na 2017 a tuma e desicion cu esaki ta ok. Bo por sigui enrekese Bo mes via e Stichting. Het is goed mijn vriend !Ik stuur een brief naar de TweedeKamer en Bosman zal het wel goed vinden.( Brief 1 nov 2017). Je weet het wel mijn vriend we moeten dit onder integriteit verkopen. Bo mes sa swa onderonsjies. Shares nan a keda di Knops. Na Hulanda esaki nan ta jama Integriteit. Na Aruba esaki Hulandesnan ta jama ladroncia y corupcion. Ta con nos mester deal cu e Hulandes nan aki? Pues Bosman no bin jora riba Facebook y para manera un homber y acepta cu Knops a keda doño di e sharesnan y ta jenando su saco cu su compania pero awor via un Stichting.
