ORANJESTAD,Aruba
Parlamentario Endy Croes a recore Aruba dia 25 di januari celebrando dia di Betico y alabes saludando pueblo probechando pa por scucha kico ta bibando den pueblo. Por a constata cu pueblo ta satisfecho y pueblo ta compronde e situacion real di Aruba. A bishita entre otro House of Cake riba caminda grandi na Savaneta di empresario Edgard “Gachi” Hermosen kende tabata tin un tremendo actividad celebrando dia di Betico cu musica live di Hot ‘n Groove Band poniendo un ambiente unico den cas. Savaneta a celebra Dia di Betico engrande. Contento di por a topa entre otro cu Emely, Sharon, Judith, Ramiro, Marjorie y un cantidad di ciudadanonan festehando. Bunita pa mira cada bario organisa nan evento riba Dia di Betico pa hunto nos mantene su memoria bibo y siña nos futuro generacionnan historia di Betico. Danki House of Cake.
