Parlamentario Endy Croes no por compronde e politica di sinberguensa cu AVP ta practica. AVP hustamente e partido cu a desgracia e finansas di pais Aruba. Mike Eman y henter su elenco a permiti pa henter su equipo crea e Mega Debe di Aruba. Nos por corda na 2014 momento Hulanda a intermedia dunando Mike Eman un KB, con Mike enbes di subi avion bay Hulanda a bay bebe esure yora bou palo dilanti cas di gobernador invitando su sostenedornan pa bay bati weya y grita firma awor. Asina Mike Eman a pensa cu e lo mester resolve e desaster financiero cu e mes a crea. Si no ta pa e mal maneho financiero aki di Mike Eman y AVP awe Aruba no ta depende asina tanto di ayudo di Hulanda. Banda di tur esaki Mike Eman a jama e Hulandesnan pa “verkrachters” Pues prohibi pa lubida parti di e historia amargo.
AVP a vota contra ayudo pa nos cuidadanonan:
Gabinete Wever Croes mester a ruim op e desaster di Mike Eman y AVP unda apenas den 2 aña a logra comberti deficitnan di 444 miyon di (AVP) den Surplus na 2019. Proyecion pa cu presupuesto 2020 tabata mustra cu Aruba lo yega 46 miyon di Surplus. Lamentablemente Aruba y mundo a wordo confronta cu un Pandemia ( Covid 19) sin presidencia cual a bolter henter e panorama. Parlamento a trata final di maart 2020 un presupuesto di emergencia pa asina traha espacion pa brinda ayudo na 37000 mama y tata di famia cu nan trabou tabata na peliger. Mesora a bini cu e proyecto di FASE esta e asistencia social pa esnan cu a perde trabou. Banco Central y Economische Zaken ambos a hasi calculacionnan cual a culmina cu gobierno mester presta 1200 miyon pa traspasa e aña y pa yuda nos comunidad. Locual nunca pero nunca ningun hende por a spera cu partido AVP lo a vota contra dicho presupuesto. Sin ningun argumento pero solamente practicando nan politica barata AVP su 9 Parlamentarionan a vota contra e e presupuesto y e ayudo social. Contra FASE pa esnan cu a perde trabou. Contra Loonsubsidie pa esnan cu ta haña un ayudo di gobierno. Contra e sosten di 4000 florin pa kwartal na companianan. Contra Social Crisis Plan. Contra tur e ayudonan cu e presupuesto aki a brinda pueblo den nan dolor durante henter aña 2020. Kiko pueblo enrealidad por a hasi AVP pa nan vota cu asina tanto odio? Kisas AVP por contesta esaki. Laga esaki ta un les pa nunca mas duna AVP un sosten cu Bo voto. AVP ta falso y no ta di confia!
