ORANJESTAD,Aruba
Parlamentario Endy Croes ta lamenta profundamente e actitud di AVP durante e reunion publico riba educasion. Diamars ultimo Parlamamento a trata entre otro e inquitudnan cu tin den e field di enseñansa y a hasi hopi pregunta pa asina por haña klaridad. Almismo momento Parlamento a aproba 5 mocion unda diferente tin di haber cu comunicasion y dialoga promer cu desicionnan final.
/// Aruba pasando den momento nan dificil:
COVID 19 a sorpresa mundo henter y a causa un impacto negativo enorme. Presupeustonan di tur pero tur pais rond mundo a cambia. Nada no ta mescos mas. No ta business as ussual. Financieramente esaki a impacta tur tereno desde Salud, Husticia, Social, Economia, Enseñanza pa nombra algun. Pues enseñansa ta un parti di henter e problema esta di e “big picture”. Cu tin desgusto den eseñansa ta bisto y cu Minister a haña oportunidad pa splika su maneho tresiendo klaridad y alaves a hasi un compromiso cu Parlamento cu e lo dedica mucho mas tempo pa dialoga y comunica promer cu sigui tambe ta un hecho. Pues no ta tempo ( den crisis) pa buska problema sino hustamente buska solucion y bon comprondemento pa cu otro pa hunto nos saca e pais aki for di un problema grandi.
/// AVP a laga werksternan cay manera patia berde:
Partido AVP sinembargo a drenta e reunion cu un solo plan. No tabata tin boluntad pa mehoracion. Nan proposito tabata conosi den prensa hasta algun dia promer cu nan lo presenta un mocion pa manda e minister cas. Den e mesun reunion aki Parlamento a aproba un mocion sosteniendo 100 werksternan cu ta den problema cu nan trabou. Parlamento a pidi Minister pa NO manda ningun werkster cas y percura pa aloka fondo pa por sigui paga e werksternan y mantene nan na trabou. Votacion a sali 12 na fabor y 9 contra cual ta 9 Parlamentarionan di AVP. Parlamentario Endy Croes ta puntra. Ta kiko e werksternan aki por a hasi AVP? Ora di campaña Bo kier nan voto pero ora mester aproba mocion pa sostene y garantisa nan trabou Bo kier hunga politiek barata y laga tur cay manera patia berde. Dieptriest!
