Parlamentario Endy Croes: AVP a start campaña? “Aruba ta mi cas” of “KIA ta mi cas”?

Parlamentario Endy Croes a tuma nota cu AVP a usa e dia Nacional 18 di Maart 2021 pa inicia nan campaña 2021. Remarcabel ta cu 16 di Maart 1976 AVP a vota “contra” nos Himno y nos Bandera y ta danki na MEP cu si a para fuerte y vota VOOR pa e instrumentonan pa unifica nos pueblo esta nos Himno y nos Bandera sosteniendo asina e vision di Betico Croes cu awe esaki ta un realidad. Sinembargo semper hendenan cu comete error den  bida por wordo pordona y ta ricibi un oportunidad bek den bida. Esaki ta conta tambe pa AVP. Locual tambe ta remarcabel cu AVP a escohe e fecha di 18 di Maart pa produci un sticker como un teaser pa nan campaña. Riba e sticker aki tin para lo siguiente:  “Aruba ta mi cas”. Parlamentario Endy Croes ta totalmente desacuerdo cu e frase aki como cu e frase aki no ta pas atall pa AVP. Lokual si AVP por usa libremente ta “ KIA ta mi cas”. Tin diferente x ministernan di AVP bou investigacion y otronan cu a ricibi condena caba. Benny Sevinger x minister di AVP por ehempel ta pasando den un investigacion masha masha grandi y Benny tin 5 acusacion hopi pisa den su contra. Benny ta wordo acusa pa  Estafa, Sobordo, Mal uso di poder, labamento di placa y fasificasion. Tin otro x minister cu ya a bishita KIA y tin diferente otro entregantenan di AVP  den preparacion pa sera conosi cu e hotel miracielos na santo patia esta KIA.  Parlamentario Endy Croes ta termina bisando enbes cu AVP  usa “Aruba ta mi Cas”  AVP mester  usa “KIA ta mi Cas”. Esaki sigur ta cay  mas elegante y ta klop mucho mas serca cu nan propio hechosnan y alavez  cu e realidad cu ta den bocht ey mes. Aruba No ta Bo cas pero KIA ta bo CAS!