Aruba mester di sosten di tur su hendenan pa hunto nos traspasa e episodio aki
Parlamentario ENDY CROES ta splika cu pa basta tempo ta tuma nota den comunidad di basta discucionnan innesesario. Primordialemte riba rednan social y na radionan emisora un grupo contra otro ta manifesta diferente precupacionnan contra otro.
/// Aruba a wordo abati hopi fuerte door di Covid 19:
Covid 19 a afecta henter mundo pero Aruba por ehempel cual su economia ta draai rond 80% rond di turismo a wordo abati y afecta formalmente. Den Rapport di Standard & Poors Aruba a sali e number 1 den 122 pais di esnan cu su economia a wordo mas hopi afecta. Esaki ta indica e magnitud di e daño cual ningun pero ningun experto rond mundo por a mira ta bin of a antipa riba dije. Gobierno den un estilo di emergencia mester a nabega e “barco” Aruba den lamanan bruto pa tene nanishi riba awa den temponan sumamente dificil.
/// Cu positivismo y contribucion di tur hende nos lo sali:
Siguiendo e desaroyo hopio di serca mi mester acuentua cu no ta un tarea facil. Palabra di gratitud na tur esnan cu dia y nochi ta elabora cu tur e risiconan cu nan mes ta core cu e simple rason esta pa yuda nan pueblo sali di esaki. Na e momentonan aki ta di suma importancia pa e comprension humano y aporte positivo di cada concuidadano briya mei mei den e crisis aki. E no ta algo facil y nos no a sali afor ainda. Nos mester percura hunto pa cuida Bo mes y cuida otro respetando e protocolnan establesi pa asina evita un di tercer “wave”. Asina nos economia ta haña oportunidad di sigui crese te alkansa of hasta supera cifrasnan di 2019. Parlamentario Endy Croes ta tuma hendenan cu NO ta politico cu hopi odio den nan curpa y esaki lo no aporta na Bo pais. Respeta democracia y resultado di elecion. Den aña 2021 lo tin un proximo elecion y pueblo lo sa di balora trabounan fuerte di por ehempel nos Promer Minister cu no tabata tinie nada facil. Asina lo sa di balora atraves di Bo voto esnan cu Bo ta sinti cu lo por nabega e pais aki mei mei di temponan hopi dificil. Ta hasi jamada na pueblo pa laga politica pa politiconan pero como cuidadano ban tur yuda otro. Si bo bisiña falta algo saca un man pe y asina tur contruibi cu otro pa hunto nos pasa e episodio di covid 19 aki. Mi ta positivo y hopi sigur cu pronto e solo lo briya atrobe pa cada un di nos riba e pais aki.
