ORANJESTAD,Aruba
Parlamentario Endy Croes ta splika cu e tin tur comprension pa cu e field di enseñansa. Recientemente tabata tin un debate publico unda e Minister a duna su splikacion y Parlamento a aproba 5 mocion entre otro jegando na un compromiso cu e minister cu e lo bay bek mesa, dialoga, scucha, comunica cu veld promer cu sigui cu projectonan.
/// Nos ta kere den Principio bon Gobernacion y mester practica esaki:
Parlamentario Croes den su betoog diamars ultimo a splika cu Gabinete Wever Croes ta para pa e principionan di Bon Gobernacion. Esaki te hasta ta anra den e Plan di Gobernacion Hunto pa Aruba. Entre otro esaki ta ensera transparencia, integridad, dialoga, comunica y buska sosten. Esaki mester ta e “bijbel” di e gobierno aki y si nos mantene e liña di transparencia, comunicasion dialoga y buska sosten nos ta cumpli debidamente cu e principio di bon gobernacion. Minister Lampe a splika Parlamento cu e lo sa di reinforsa esaki pa asina por sobrepasa tur inquitud cu tin actualmente.
/// Lamentablemente e agenda “berde dimes” tambe ta stroba desaroyo:
Historia a demostra cu e ser humano semper lo resisti cambio. Momento un organisacion sea deportivo, cultural of un gobierno,pa duna algun ehempel, kier trese cambio cu un vision pa mihor semper bo lo haña resistencia. Bunita di cambio ta, si Bo haña e gran mayoria ta sostene Bo vision. Pa logra esaki participacion di esnan den field ta di suma importancia. Pues e ser humano mester por compronde hopi bon unda Bo ta bay y kiko Bo kier logra e caminda cu Bo kier bay pa asina e duna su compromiso pa sostene Bo idea. Nunka bo ta logra esaki 100% pero si Bo logra 60% of mas Bo ta contando cu e sosten. Kiko ta resalta den e politica di AVP cu oposicion ta hunga solamente politica cu e situacion como cu AVP ningun momento a presenta un idea of un mocion pa mehoracion of kier a contruibi di un manera positivo pero solamente kier manda minister cas. Por a tuma nota di instigacionnan di un of otro forma. Tur hende tin derecho pa por tin nan opinion pero toch nos mester recorda pueblo e raiz cu ta daña imagen pa esnan cu ta protesta di buena Fe y cu un bon curason. Whitney Kock, Baba Herde, Jeffrey Kelly, Lorna Verlack, Norman Roos tur ta docentenan cu ta of tabata ta riba lista di AVP. Ricky Arends casa di Jennifer Arends Reyes, Zuleika Wever, Herts ta entre otro esnan buyoso cu ta trese imagen di tur maestro den mal spot como cu nan ta hasi mal uso di politica pa purba jega na otro proposito. Parlamentario Endy Croes ta termina bisando klaro gobierno no mester perde e “focus” esta dialoga, scucha y comunica cu e massa di docentenan pa jega na entendimiento comun tresiendo trankilidad primordialmente awor den crisis. Hunto nos mester por logra.
