Parlamentario Endy Croes a splika cu tin diferente aspectonan positivo cual tambe a bini dilanti durante tratamento di cuentanan anual diabierna ultimo. E partinan positivo por a tuma nota di nan den e cuenta anual di 2018. Akinan Gabinete Wever Croes a tuma over. Aunke mester recorda pueblo cu ora a tuma over dia 17 di november 2017 no a haña computers, harddisk di ful e systema nan a bay cune, lessenaar, documentonan y cabelnan di Setar a wordo masacra den henter e edificio. A tuma gobierno nobo casi 6 siman pa por a set up pa cuminsa goberna. Hulanda tambe a compronde esaki y a condena e actitud di Mike y su “gang”. Pa e rasonnan aki Hulanda a bay di acuerdo pa por a ahusta y trata e presupuesto te final di April 2018. Pues en realidad ta aña 2019 nos mester bisa ta e promer aña cu lo refleha e maneho y vision di e gobierno actual.
/// A baha di 470 coordinador pa 183 cumpliendo cu palabracion:
Den e rapport di investigacion di cuenta anual 2018 produci pa Algemene Rekenkamer por a tuma nota di losiguiente riba pagina 19. Bou titulo Personeel bij bureaus van de ministers. Akinan Algemene Rekenkamer a hasi un investigacion profundo pa mira si gobierno ta cumpli y mantene su mes na palabracionnan hasi. Den Memorie van Toelichting di Landsverordening tot vaststelling van de begrotingen van de ministeries di Pais Aruba pa cu e aña 2018 gobierno a anucia cu lo hiba un maneho unda cada ministerio por aloka maximo 25 empleado entre secretaria, consehero y proficional. Algemene Rekenkamer a sali di e punto di bista cu esaki ta ensera 8 minister cu cada un maximo 25 empleado pa un total di 200 maximo pa henter e gabinete. Den investigacion profundo hasi riba aña 2018 Algemene Rekenkamer a conclui den su rapport cu Gabinete Wever Croes tin un total di 183 empleado, consehero, proficional riba payroll. Algemene Rekenkamer ta splia “ Hiermee heeft de regering Wever Croes haar voornemens behaald om het aantal werknemers werkzaam bij de bureaus van de ministers te beperken tot maximaal 200 werknemers.” Den comparacion cu 470 coordinador cu Mike Eman tabata tin ta dal den otro den Cocolishi esaki awor ta 287 persona menos cu e gobierno di AVP. Prohibi pa lubida cu Mike Eman tabata tin 147 persona den su kantoor cobrando 11.3 miyon pa aña mientras Evelyn Wever Croes tin 21 empleado cobrando 2.5 miyon pa aña esta un reducion den e kantoor aki so di 78% esta 8.8 miyon pa aña.
Personeelsbestand di gobierno a baha cu 50:
Gobierno riba su mes tambe tin e presion di Hulanda pa baha su gastonan di personal unda entreotro a bay di acuerdo cu no lo prolonga contractonan momento nan vense y tampoko lo replasa cuponan di hendenan cu baha cu pensioen y poko poko maneha e gastonan di personal na un manera responsabel y cargabel pa pais Aruba. Riba pagina 18 di e rapport di 2018 Algemene Rekenkamer a splika cu di acuerdo cu e bestand di DRH comparando 2017 cu 2018 nan a confirma cu na 2018 tin 50 empleado menos cu na aña 2017 y pues un biaha mas a demostra cu e gobierno actual ta maneha su palabracionnan ancra den protocol cu Hulanda na un manera serio. Den comparacion cu lokual a wordo hereda esaki sigur ta un avanse y Algemene Rekenkamer a re-confirma e bon maneho y direcion cu e gobierno actual ta bayendo apesar di e retonan grandi.
