ORANJESTAD, Aruba
Parlamentario Endy Croes a splika cu Fraccion di MEP a bin den nomber di mayoria den Parlamento a presenta un alternativa mei mei den e negosacionnan cu Hulanda. Ta keda awor na Hulanda si e tin e boluntad pa creea espacio pa trata esaki y ohala hunto nos logra sali for di e enpase reinando.
/// (2) Protocol y (2) Landsverordening enbes di (2) Rijkswet:
Parlamentario Croes a splika cu siman pasa a traha dia y anochi cu un team basta grandi pa logra trese riba mesa di negosacion un otro forma esta un otro “bachi” pa por purba combense Hulanda pa lokual ta trata e ajudo. Actualmente Hulanda kier hervorming ( reforme) y Aruba tambe kier hervorming. Hulanda kier tin toezicht y Aruba ta di acuerdo cu e toezicht cual ja tey caba desde 2015 y no ta problema pa alarga esaki. Hulanda kier juda Aruba pa Aruba den futuro por ta mihor prepara pa cualkier crisis y tin e schoksnan pa pasa door di un crisis su mes y Aruba ta determina pa cana e caminda aki hunto cu Hulanda. Pues riba mayoria punto Hulanda y Aruba ta di acuerdo cu otro y ta mirando den e mesun direcion. E forma con Hulanda kier brinda e ajudo mediante (2) Rijkswet ta lokual tin Aruba precupa. A logra presenta un alternativa hopi elegante. A logra traha (2) Protocol basicamente incorporando mayoria ingrediente cu ambos pais kier y mara esaki den dos protocol cu 2 Landsverordening incluyendo un gekwalificeerde meerderheid di 15 voto den Parlamento pa por cambia esaki den futuro. Asina duna Hulanda e extra garantia cu Hulanda tabata buskando. Ohala Hulanda por tin oido pa esaki pa asina nos por logra sali afor.
/// Aruba mester di trankilidad pa nos por sali afor:
Gobierno di Aruba pero tambe henter e pueblo mester di trankilidad pa nos por sali afor. mensahe pa Hulanda ta cu e (2) Rijskwetnan manera nan ta riba mesa awor no lo contruibi den e trankilidad cu nos ta buskando. Pueblo ta pasando den duro y lo bay pasa mas aun den duro. No ta e momento pa deal cu agitacion of iritacion. Hustamente ta e momento pa buska trankilidad pa sali for di e temponan sumamente dificil nos dilanti. Parlamentario Endy Croes a dirigi su mes na Hulanda pa coopera cu Aruba den e caso aki y considera fuertemente pa nos habri un discusion sano riba e proposicion di Staten esta (2) Protocol, (2) Landsverordening mas un gekwalificeerde meerderheid cu lo ta e extra garantia pa Hulanda. Hunto nos mester por logra.
