Parlamentario Curtley Obispo: Preguntanan i petishonnan di kontròl parlamentario konkreto i al kaso na Minister di Finansa en konekshon ku sosten di likides di Reino Hulandes pa medio di fiansanan na Pais Kòrsou.

Komo parlamentario di Pais Kòrsou den mishon parlamentario, ta super importante pa mi sigui hasi preguntanan konkreto i al kaso na Minister di Finansa en konekshon ku e sosten di likides pa medio di fiansanan di Reino Hulandes na Pais Kòrsou. Tur esaki den kuadro di kombatí e efektonan di e pandemia i krísis mundial COVID-19, kual ta afektá Pueblo di Kòrsou i tambe Pais Kòrsou.

P’esei pa medio di e karta di kontròl parlamentario aki, kual ta parti di mi Programa di kontròl parlamentario, mi ta hasi e siguiente preguntanan i petishonnan  simpel, konsiso, konkreto i al kaso na señor Minister Kenneth Gijsbertha a base di Artíkulo 57 di Areglo di Estado di Kòrsou i artíkulo 96 di Reglamento di Órden di Parlamento di Kòrsou:

1. Kuantu ta, den total di mion florin, e sosten di likides pa medio di fiansanan nesesario di Reino Hulandes pa Pais Kòrsou, pa loke ta trata aña 2020 (inkluyendo Presupuestonan Supletorio 1 i 2)?;

2. Kuantu mion florin Pais Kòrsou a risibí den aña 2020 di Reino Hulandes pa loke ta sosten di likides pa medio di fiansanan?;

3. Kuantu ta den total di mion florin, e sosten di likides nesesario di Reino Hulandes pa ku Pais Kòrsou pa loke ta e promé kuartal di aña 2021?;

4. Petishon pa risibí:
5. e konseho di Kolegio di Supervishon Finansiero Kòrsou i Sint Maarten (CFT)  fechá 8 desèmber 2020 pa loke ta un voorschot di likides di 4 tranche pa Pais Kòrsou;

1.  un pronóstiko di e sosten di likides nesesario di Reino Hulandes pa ku Pais Kòrsou, di luna pa luna pa loke ta trata aña 2021;

e kopia di e karta di Kolegio di Supervishon Finansiero Kòrsou i Sint Maarten (CFT) pa loke ta e konseho na Konseho di Minister di Reino Hulandes pa apliká artíkulo 25 di e Lei di Supervishon Finansiero Paisnan Kòrsou i Sint Maarten (“afwijken van Rft begrotingsnormen”).