Tópiko: Ehekushon Presupuesto 2020 di Pais Kòrsou – petishon pa risibí kontesta di Minister di Finansa riba e karta di CFT di dia 25 novèmber 2020 ku tópiko: Reactie op de derde uitvoeringsrapportage 2020.
Apresiabel Minister señor Kenneth Gijsbertha,
Mi a tuma nota a base di e sistema RIS di Parlamento di Kòrsou ku Kolegio di Supervishon Finansiero Kòrsou i Sint Maarten (CFT)a dirigí un karta na Minister di Finansa i ku c.c. pa entre otro Parlamento di Kòrsou ku e tópiko: “Reactie op de derde uitvoeringsrapportage 2020.”.
P’esei a base di e karta aki di CFT di dia 25 novèmber 2020, den kuadro di tende (“hoor en wederhoor”) di Minister di Finansa, ku ta e titular di Finansa Publiko di Pais Kòrsou, pa mas klaridat i mas informashon pa Pueblo di Kòrsou, a base di mi responsabilidat di kontròl parlamentario, mi tin e siguiente petishon. Petishon na Minister di Finansa konforme artíkulo 57 di Areglo di Estado di Kòrsou (nos lei máksimo) i artíkulo 96 di Reglamentu di órden di Parlamento di Kòrsou: Petishon pa risibí un kopia di Minister di Finansa su reakshon riba e karta aki di CFT fecha 25 november2020 ku tópiko: “Reactie op de derde uitvoeringsrapportage 2020.
Mirando e posibel embergadura di e karta aki di CFT di 25 novèmber 2020 pa ku ehekushon di Presupuestonan 2020 i 2021di Pais Kòrsou i pa ku futuro di Finansa Públiko di nos Pais Kòrsou, mi ta pidi i mi ta urgí komo parlamentario di Pais Kòrsou, pa risibí kontesta di Minister di Finansa riba e mesun dia ku Minister di Finansa duna kontesta na CFT su karta di 25 novèmber 2020 ku tópiko: Reactie op de derde uitvoeringsrapportage 2020.
Tambe mi ta rekordá Minister di Finansa riba mi petishon nan di risibí e kopia di e kartanan di kontesta di Minister di Finansa ku mester a bai masha dia kaba pa CFT konforme e prosedura stipulá den e Lei di Reino Hulandes ku ta regarda Supervishon Finansiero Kòrsou i Sint Maarten. Aki mi ta referí na mi siguiente 2 kartanan (anekso 2 i 3) dirigí na Minister di Finansa, ku fecha i tópiko inkluyendo petishon spesífiko, konkreto i al kaso:
1) 22 mei 2020; Ehekushon Presupuesto 2020 di Pais Kòrsou – petishon pa risibí kontesta di Minister di Finansa riba e karta di CFT di dia 20 mei 2020 numerá: CFT202000062 ku tópiko: Reactie op de eerste Uitvoeringsrapportage 2020;
2) 28 ougùstùs 2020; Ehekushon Presupuesto 2020 di Pais Kòrsou pa risibí kontesta di Minister di Finansa riba e karta di CFT di dia 27 di ougùstùs 2020 ku tópiko: Reactie op de tweede Uitvoeringsrapportage 2020.
Atentamente,
Curtley Obispo
Parlamentario pa Kòrsou
PAR
