Tema di siguridad y desaroyo di hoben nan den comunidad y e instrumento nan cu nos ta uza pa percura e desaroyo sano y pa proteccion di e hobennan ta importante. Sinembargo no ta esaki so ta hunga un rol. Parlamentario Arthur Dowers ta duna di conoce cu por a constata door di e cifranan di gobierno cu 1 den 5 famia di pais Aruba ta biba bao di nivel di pobresa. Banda di esaki tin un aumento di reduccion di salario di hendenan, aumento di prijs di awa y coriente, gasoline ta subi y remedy e persona mes mester paga ora di bay eerstehulp y tambe e BTW di 18 %. Segun parlamentario Arthur Dowers e realidad ta cu mas hende ta bay ta den pobresa. Pesey mes ta pidi e analisis independiente di socialcrisis plan pa asina tin un bista cu e metanan cu a keda poni a logra esakinan tambe.
Parlamentario Arthur Dowers : Ta pidi un analisis independiente riba 4 aña di Socialcrisis plan
