E driekiel cu ta un obra di arte na Eagle Beach pa Parlamentario Arthur Dowers e ta un obra di arte cu awe ta simbolisa inhusticia na Aruba. Algun siman pasa tabatin un protesta na e driekiel unda cu un persona a expresa no mas hotel na Aruba, Ta importante pa pueblo realisa cu loke cu a bini afo despues cu e persona a protesta a wordo persigui. Ta resulta cu den e procesverbal den e investigacion aki ta stipula sea ta e minister of personanan cu ta traha den oficina di minister di husticia lo a yama pa pidi prioridad na e persecucion na e persona cu a expresa su mes na un forma di protesta.
Na prome luga ta lamenta profundamente cu husticia na Aruba ta keda uza y mal uza continuamente pa persecucion politico. Parlamentario Arthur Dowers ta kere cu ta hopi importante pa sa cu e persecucion aki a inicia y a haya su forsa basa riba e echo cu tabata sospecha cu e persona cu tabata envolvi den e protesta ta famia di un politico di partido AVP.
Ta hopi tristo pa den un pais democratico tin hende ta yama ministerio publico y yama polis pa asina pone prioridad pa un investigacion paso tin entendi cu ta trata di un ruman di un politico di partido AVP y cu ta un persona cu tabata miembro di parlamento pero awendia ta un abogado.
Pa parlamentario Arthur Dowers e situacion aki ta doloroso na momento cu ta constata cu den e pais democratico aki formando parti di reino Hulandes e tipo di situacionnan aki ta pasando. Por a mira un cantidad di protestanan den e ultimo añanan na Hulanda y na momento cu e situacion a bay for di man ta mira cu husticia ta interveni.
Pero na momento cu ta trata di un protesta simpel y cu ta pinta algo na muraya nunca no por ta un rason pa husticia na prome luga bay over na detene un persona y sere y na di dos luga trece e caso di e persona padilanti hopi lihe, lagando hopi caso grandi atras y ta bon pa puntra ministerio publico cuanto caso grave na e pais Aruba aki ta wordo seponeer door di tempo y cuanto otro caso ta bin padilanti despues di asina hopi tempo cu hues ta reduci y hasta ta keda sin duna castigo debi cu e caso ta tarda asina hopi y un caso asina simpel caminda cu un persona a pinta riba un muraya ta bay buske pa motibonan politico a persigui e persona y a tene e persona tres dia cera.
Segun parlamentario Arthur Dowers poco dia pasa por a tende cu ta protesta contra di un ley pa drenta na vigor prome di april, Parlamentario Arthur Dowers ta spera cu e abogado bay haci bon uzo di e ley , debi cu e ley ta stipula caba asina, pero e ley ta reenforsa un bes mas cu e echo cu no por cera hende pa cosnan simpel.
Segun parlamentario Arthur Dowers tin cosnan hopi mas grave ta pasa riba pais Aruba y logicamente tur cel ta yen, pero ta prefera di duna prioridad na un persona cu ta marca riba un muraya ta cere tres dia y su caso a bin dilanti caba y na unda cu e la haya un castigo di trabaonan comunitario menos di e tres dianan cu e la keda cera den un cel. Pa parlamentario Arthur Dowers e situacion aki ta simplemente ridiculo.
