Nos a pidi pe y Gobierno a logra haya un manera pa cumpli. Esaki sigur ta un bunita ehempel di colaboracion entre Minister di Deporte, Minister di Asuntonan Social, Minister di Infrastructura y habitantenan di e bario. Den prome kwartaal di 2023 e habitantenan di Village y bisindario por gosa di un cancha di basketball y futbol completamente renoba, unda cu un biaha mas tanto e muchanan den e bario por practica nan deporte. Nos sa cu recursonan financiero e momento aki ta limita y ta bunita pa wak cu toch Gobierno a tuma nos peticion na serio y a haya un manera con pa drecha cancha aki. Pa cu mantencion nos a demostra cu aki na Aruba nos falta ainda pa crece den esaki. E cancha ta un inversion y trabou di Gobierno, pero tambe di tur esnan cu ta bay haci uzo di e cancha aki. Sigur e ta nos trabou, como comunidad pa hunto nos cuida e cancha aki pa nos por gosa di dje pa mas tempo. Palabra di danki na e habitantenan di Village y bisindario pa nan pasenshi, danki na tur e mandatario y departamentonan pa cumpli un biaha mas cu e peticion di pueblo.
