Tin biaha e cosnan chikito tin un efecto importante riba e moral/sinti di speransa/motivacion pa sigui cu e lucha di un pueblo. Den e caso aki iluminacion y decoracion di Pasco den centro di San Nicolas. Berdad, den comienso di mainstreet/promenade y na Carnival Village a haya bunita decoracion. Pero ta generalmente conoci e situacion den centro di San Nicolas e.o. edificionan bashi, den estado deplorabel/peligroso, sushedad den cayanan patras di mainstreet, adiccion, prostitucion ilegal. Tur esakinan tin efecto riba e siguridad/sinti di siguridad den e area aki. Scuridad, no ta yuda cu esaki, wordo laga afo pa decoracion/celebracion di fin di aña sigur ta ponebo sinti inferior y hasta por influencia comportacion di hende.
Durante reunion publico mi a haci e peticion na nos Minister di Infrastructura y director di DOW pa percura cu centro di San Nicolas tambe haya suficiente iluminacion y decoracionnan di Pasco. DOW a priminti cu lo a traha riba mi peticion. Siman pasa mi a “follow up” con a para y mi a compronde cu di berdad DOW a haci nan best pa logra e luznan, pero tin un problema cu coriente. Un banda ta comprendibel cu e ora ey cu no a logra, di otro banda, e problema aki tin basta tempo caba ta andando. Atrobe ta comprendibel pasobra e luznan aki ta cay bou maneho di DOW, mientras ta ELMAR ta e autoridad y tin e experticio den cas pa maneha luznan di caya. Pesey tramitenan ta andando pa traspasa e luznan aki na San Nicolas di DOW pa ELMAR.
Peticion a wordo haci na Ministernan concerni pa percura cu e proceso aki keda cla mas lihe posibel y asina centro/otro cayanan tambe por gosa di miho iluminacion y tambe por participa den celebracion di fin di aña.
