Parlamentario Alan Howell, kende a demostra di tin nos hende humilde na prome luga a indica cu el lo bay concentra su mes na busca un solucion pa esnan cu ta cobra onderstand/bijstand.
E ta indica cu pa hopi aña nos hendenan humilde a para den rijnan largo den solo y hopi ora pa cobra nan onderstand/bijstand, siendo cu por tin otro formanan pa haci esaki. “Mi ta bay focus e siman aki pa e forma di cobra aki yega na un final”, Howell ta duna di conoce.
E parlamentario ta bisa cu por ehempel na Corsow y St. Maarten e practica aki no ta tuma luga mas y no ta algo di awo, sino di basta aña caba.
Pesey mes ta indica cu el lo bay concentra pa bin cu un manera pa nos hendenan humilde por cobra nan placa trankil y sin stoba den solo na nan banco preferi y tambe via ATM (Bancomatico). Naturalmente den e situacion den cual nos ta aden pa loke ta Covid-19 e forma aki lo ta uno miho pa yuda cu proteccion y prevencion.
Parlamentario Howell lo trece esaki formalmente na conocemento di Minister Glembert Croes encarga cu e cartera di Asuntonan Social. Howell no tin ningun duda cu e mandatario y e directora di Departamento di Asuntonan Social lo coopera y haci esaki un realidad
