Den fin di siman tras di lomba Parke nacional Arikok conhuntamente cu Directie Natuur en Milieu a haci dos anochi informativo pa pueblo di Aruba. Marketing manager & Communication di Parke Nacional Arikok Edeline Berg ta duna di conoce e anochinan di informacion ta specialmente pa esunnan cu ta haci uzo mas tanto di e parti maritimo di Aruba, pero tambe na e comunidad di Aruba cu ta interesa pa yuda scapa e bida maritimo.
E nochinan di informacion tabata na MFA paradera y MFA Savaneta. Parke nacional Arikok ta sumamente contento mirando cu e sala tabata completamente yen unda cu e personanan cu a bin tabata varia hopi entre e piscado nan, operadornan di boto , divers , operadornan di submarin , DOW. Den e anochinan informativo a trata riba e malesa di coral, Aruba berdaderamente ta mustra con e ta mustra door di nos naturalesa y mester tuma esaki hopi na serio. Parke Nacional Arikok no lo keda man mara y no lo keda solamente den e seccion di informacion pero den e proximo dos dianan lo ta bay tin workshop.
Un yamada ta bay na tur esnan cu ta interesa prinsipalmente esnan cu ta sambuya , dive y esnan cu tin camara pa bin e workshop pa asina nan haya mas informacion con pa nan por documenta e malesa di e coralnan pa yuda Parke Nacional Arikok por haya informacion. E workshop lo tuma luga dialuna anochi di 6:30 pa 8:30 cu lo tuma luga na universidad di Aruba.
Ta importante pa anos como Arubiano cu ta tur dia den e veld y den e awanan di Aruba pa ta boluntarionan cu por yuda Parke Nacional Arikok monitoria e situacion di e coralnan na Aruba. Asina cu detecta algo ta di sumo importancia cu por duna Parke Nacional Arikok e informacionnan aki. Pa e workshop mester inscribi na marinpark@arubanacionalpark.org
